Llanddewi Brefi
Llanddewi Brefi (IPA: ɬanˈðɛwi ˈbrɛvi, Kumries veur: karke van David an de rivier Brefi) is n darp mit om en bie de 500 meensen in Ceredigion, Kumrië.
In de 6e eeuw höl Sunte-David hier (Dewi Sant in t Kumries), de patroonheilige van Kumrië, de Synode van Brefi en sinds die tied draagt t zien naam; "Llan" verwis in Kumriese plaotsnamen naor n karke of n heilige plekke. De parochiekarke is ewijd an Sunte-David en daor steet oek n niejmoeds staandbeeld van hum.
Naost n Anglikaanse karke, is der oek n non-konformistiese kapelle, twee kroegen en n krujenier. De inwoeners uut t darp en t umliggende gebied praoten van huus uut veural Kumries. De plaotselike ekonomie dreit veurnamelik op t houwen van schapen en op melkveehouwerieje.
Llanddewi Brefi is bekend ewörden deur t tillevisieprogramma Little Britain van de BBC, waor Daffyd Thomas (n variasie van de oorspronkelike Kumriese naam Dafydd; espeuld deur Matt Lucas) in t fiktieve darp Llandewi Breffi woent. Daffyd is n achterlike idioot die geleuft dat e de enigste homo in t darp is, en beschuldigt zien darpsgenoten van homofobie ondanks dat ze der best doon um te laoten zien dat ze gien problemen hebben mit zien seksuele gerichtheid en bin zelf oek vake van de verkeerde kaante.
Uutgaonde verwiezing bewark
|
Commons: Llanddewi Brefi - plaatjes, filmkes en/of gelüüdsbestanden. |
- 20 minuten durende film van de de BBC over t darp
- Operation Julie op BBC Online
- www.geograph.co.uk: foto's van Llanddewi Brefi en umgeving
|
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |