Niekarkerveen ([nikɑrəkərve.n]. Nederlans: Nijkerkerveen) is een darpje in de gemeente Niekark in de Nederlanse previnsie Gelderland. 't Leit tussen de kern Niekark en Amesfoort in.

Ligging van Niekarkerveen
Niekarkerveen

't Is ontstaon roend 1900, umdat ze der eigen hier gingen richten op veeteelt en landbouw. 't Darp is al veul ouwer maor sting toe veural bekend as 't Veen. Nao 1900 wier Niekarkerveen de officiële naom.

't Is een kleine darpskern mit een groot butengebied dat grenst van landgoed Slichtehorst tot Hoevelaken. Westelijk grenst 't an Hooglanderveen (Amesfoort) en oostelijk an Zwartebroek (Barreveld). In 't oostelijke deel waren veengebieden die grensde an bos en heed. In disse gebieden waren kleine waoterplassen mit riet.

In 't westen van 't butengebied leit Holkerveen umringd deur weilanden en greun.

In oostelijke richting van 't darp lopen de netuurgebieden van 't landgoed Slichtehorst en De Bunt over in een houtwallandschap.

Op 't mement is Niekark een greuigemeente mit ok woeningbouwprejecten in Niekarkerveen, 't zogeneumde darpmedel.

Niekarkerveen het ok een eigen krant, de Veense Courant, die twee keer per week uutkomt.

Uutgaonde verwiezing bewark