Oldambt is de noam van de fuziegemainte ien t Nederlaandse Oost Grunnen, dij op 1 jannewoari 2010 ontstaait oet soamenvougen van Scheemde, Winschoot en Reiderlaand. De noam komt van de streek woarien nije gemainte ligt. Deur n vroagenbraaifje ien te vullen konden ienwoner n noam oetkiezen. Op 20 novìmber 2008 is bekìndmôkt dat de noam Oldambt wonnen haar. Aander meugelkheden wazzen Winschoot en Reiderlaand.

Gemeynde Oldambt
Vlagge van de gemeynde Oldambt Wåpen van de gemeynde Oldambt
(Vlagge van Oldambt) (Wåpen van Oldambt)
Lokaty van de gemeynde Oldambt
Lokaty van de gemeynde Oldambt
Informaty
Provincy Grunnen
Höyvdplaatse Winschoot
Geografy en bevolking
Uppervlakde
 - Land
 - Water
296,42 km²
234,46 km²
61,96 km²
Inwoaner
Bevolkingsdichtde
38.213 (1 jannewoari 2020)
163 inw./km²
Koordinaten Koordinaten untbrekket! Help mid.
Oaverig
Belangryke weagen A7; spoorlien Grunnen-Schaanze
Netnummer 0596, 0597, 0598
Postkoden 9670-9682, 9684-9694, 9940-9944
Officiele websteade www.gemeente-oldambt.nl

Ien jannewoari 2008 besloten de drij gemainten onder drok van provìnzie Grunnen de gemaintelke fuzie tou goan doun, ook omdat tuzzen Scheemde en Winschoot der om tou t kunstmoatege Oldambtmeer t Blaauwe Stadprojekt aanlegd wordt. Veuraal de kommunistische partaaien, de NCPN ien Reiderlaand en de VCP ien Scheemde, hebben staark protesteerd tegen de fuzie. Ook dou de prozedure ôfronden was, bleven zai zok verzetten. Ien roadsvergoadern bleken zai de ainigste tegenstaanders te wezen.

Algemaine beeld bewark

De gemainte Oldambt wordt kenmaarkt deur t stedelke gebied Winschoot-Kloosterholt-Scheemde bie de A7 laangs mit om en bie 25.000 ienwoners, t Winschoterdaip, de spoorlien Grunnen-Breem, de dörpenring rond rondom t Blaauwestad-projekt en de waaidse leegte van de polders noabie de kust van de Dollert. Ook het de gemainte n grìnsovergang mit de Duutse dailstoat Leegsaksen bie t dörp Schaanze.

Gemainte Oldambt is ain van de koplopers ien de vergriezen van de Nederlaandse bevolken. Dit zörgt terveur dat de gemainte n bevolkensdoalen te moaken het. t Woongebied Blaauwestad, rond t Oldambtmeer takt de bevolkensdoalen òf.

Oetsproak bewark

De gemainte is de eerste gemainte ien Nederlaand mit n Grunnegse noam. Ien gemainteroad van Winschoot ontstond ien t veurjoar van 2009 beroering omdat t VVD-roadslid Irene Vrooland konsekwìnt Old Ambt broekte. Zie docht dat dit ook ien de rest van Nederlaand de gouie oetsproak wezen zol en dat elkenain zok doar aan holden mouten zol. As man van t Grunnegs oetgaait is de juuste oetsproak aans nait old-amt, môr ol-damt.[1]

Woonstees in Oldambt bewark

Woonstee Inwoners (2019)
Nij Schaanze 1.345
Beerte 2.215
Blaauwestad 665
Drijbörg 480
Finnerwold 2.240
Kloosterholt 1.440
Midwolle 2.175
Nij Beerte 110
Nij Scheemde 340
Oostwold 1.405
Olziel onbekìnd
Scheemde 4.970
Westerlij 1.495
Winschoot 17.850


Gemainteroad bewark

De gemainte het om en noabie 38.000 ienwoners. Hierdeur het de gemainte 25 zetels ien de gemainteroad

Reverìnsies bewark

  1. RTV Noord