Postbridge is n noaberskop in t heart van Dartmoor in Devon in n parish Dartmoor Forest. t Leg laanks de B3212, önnevear halfwegge tuskn Princetown en Moretonhampstead.

De clapperbrögge kömp woarskienlik oet n 13n joarhönnerd.
De clapperbrögge vanof de asfaltweggebrögge.

Postbridge leg nöast n East Dart River, den eann van de twea wichtigste ziejdstreume van n River Dart is. t Besteet oet n kleain antal huuskns, nen weenkel, nen bar en n toeristninformoasiesentröm van t nasjonoal park.

Postbridge is t best bekant veur zin veurbeald van ne olde clapperbrögge oawer n stroom. De earste verwiezign noar de brögge kömt oet n 14n joarhönnerd. Men gelöf det de brögge in n 13n joarhönnerd baawd is öm pakpeardn n stroom oawer te könn loatn goan. Oft dröagn disse peardn tin met as bestemmige t mienstädskn Tavistock. De clapperbrögge steet d'r noe-an-n-dag noch immer, dreks nöast de niej-an-legde wegge veur de asfaltwegge.