Ne tenoortromme is ne roonde ketteltromme den at net iets heugerder is op espönn as ne grote tromme.

Multi-Tenoorspöller

In symfonieorkestn is t meesttieds ne leeg estemde skoarpe tromme, woervan as de snoarn dr oonderhen beent edreeid. Hee wörd t ene moal met viltne stökke bespöld en t aandere moal met harte stökke. De tenoortromme hef al verskeaidene naamns ehad (in t Neersassiese gebeed wörd t bievuurbeeld mangs ook pauk eneumd), en wörd al seend t midln van t 19e joarhonderd gebroekt en bie muziekstukke bie in eskreewn.

Multitenoortromme bewark

Multitenoortromn beent rekn van 3 töt 6 trumkes an mekoar. Ze beent estemd op verskillende heugtes, zodet et slagwoark in marsjerende muziekgroepen mear variasie hef en mear "melodie". De trumkes beent dan op verskilnde toonheugtes of estemd. Aandere naamns hiervuur beent duur mekoar toms en tim toms. Vearder köant ze nog eneumd wordn noar t antal trumkes woeroet ze bestoat: duo toms (2 trumkes), tri(o) toms (3 trumkes), quads of quad toms (4 trumkes), quints (5), sixpacks of sext(et) (6). Umdet 4 trumkes de standaard is, wordt alle tenoorn wal quads eneumd, ook as doar mear trumkes bie komt.

De 5e en 6e trumkes beent vake neet zo groot, en onmeundig hoge op edreeid um t geluud better oawer te loatn komn. Doarumme wordt ze in et Engels: vake wal gocks of spocks eneumd.

t Doel van tenoortromn is um mear kluur in t geluud van ne tromnriege te kriegn en nen "tuskenstemme" te hebn tusken de hoogstemmige skoarpe tromn, en de leegstemmige grote tromn.

 
Tromverdelige van ne multi-tenoortromme

Verdelige bewark

Multi-tenoorn beent zo verdeeld det t gewicht ongevear geliek is verspreaid, en det t vuur rechtshaandigen makkelik is de trumkes te raakn. n Heugst-estemden is nommer 1, en n leegstn is nommer 4. De gock wörd dan in t midln, kort bie n boek van n muzikaant eplaatst.

Stökke bewark

Tenoortromn köant met verskeaidene stökke bespöld wordn. De eankele tenoortromn wordt vake met zachte stökke bespöld, zodet dr n dof geluud oet keump. Bie de multi-tenoortromn wordt de stökke an epast noar t soort muziek. Ze varieert van stökke met nen viltn töt nylon kop, den at zelf wier dik of dun, bol of plat kan wean. Zo köant dr allemoal verskeaidene klaankn oet t instrumeant ehaald wordn. Wieters kan t gewicht verdeeld wean van achterin töt vuurin vuur t spölgemak.