Tollundman
De Tollundman (Deens: Tollundmanden) is n in 1950 bie Silkeborg (Tollund), Denmaark vonden veenliek. t Lichoam is uutzönderlk goud bewoard bleven. t Is t best bewoard bleven lichoam uut de prehistorie.
Uut C14-dateern bliekt dat de Tollundman om en bie 350 v. Kr. (iedertied) om t leven komen is. Hai was dou woarschienelk 40 joar old. Hai wuir ophongen of mit n taauw wurgd, woarschienelk as offer aan de goden. t Taauw zit tegenswoordeg nog aal om zien nek hìn.
De Tollundman ligt tegenswoordeg in t Silkeborgmuseum.
Hìnwieze bewark
|
Commons: Tollundman - plaatjes, filmkes en/of gelüüdsbestanden. |