Bert Hadders
Bert Hadders (Tweyde Mond, 16. february 1962) is en musikant, discjockey un plåtenbås uut de drentsk-grünnegske Veankolonien. Hee is byname vernöämd um syn band Bert Hadders en de Nozems wår er vöäral musyk med måkt oaver lokale underwarpen of oaver sülvbedachte figüren. Hee singt höyvdsakelik in et veankolonialsk. En koppel van syn meyst bekende verskes bennen Beloofde Laand, Poolse Bruid un Elvis, Keuning van de Bunermond.[1]
| Bert Hadders | ||
 Bert Hadders (midden), Venstercafé Selwerd in 2013
| ||
| Algemene informasie | ||
| Geboren | 16. february 1962 | |
| Laand | Neaderland | |
| Spraoke | Neadersassisk | |
| Genre | Rock, Country, Rockabilly | |
| Jaoren aktief | 1978-vandåge | |
| Offisiële webstee | ||
| https://berthadders.nl/ | ||
Leavensloup
bewarkBert Hadders is dår eyn van Hendrik Hadders un Gini Trip. Hij wör böärn in en buurderye up Tweyde Ekselermond in de drentske Veankolonien. Hee is de jungste van dree kinder; syn oldste bröder Roelof is söäven jår older un syn süster Alie is vyv jår older. Hee gong når skool in Emmen mär wol al slim vroog musikant worden. To huus sprak syn va drentsk mär syn muuke meynde de kinder mossen neaderlandsk learen. Bert was et dår neet med eyns un perbearde so vöäl möyglik grünnegersk to pråten umreaden dat is wat de meyste lüde up et dürp pröten. Syn leevde vöär musyk begün al vroog med de plåtjes dee er als lütje jong höyrde, mär groide starker in lokål Café de Kienstobbe. Hyr sag hee bekende acts as Cuby and the Blizzards, The Troggs, Herman Brood un The Police spöälen. Kört dårnå het er begünnen to drümmen.[2]
In 1978 begünt er syn eygen band, Sticky Fingers, wär er rockmusyk med måkt. Nå twey jår skeyd er dår wear med uut un sökt er en nye band. Tydens syn study an de Bibliothek un Dokumentaty Akademy in Stad het er in verskillende bands spöäld med genres as under andere New Wave, punk, circusmusyk un Bluegrass. In dee tyd het er ouk noch en heyl ende warkt in de grünneger evenementensektor. Kört nå dee tyd komt et eyrste grünneger verske van syn hand - 'Piep'n liggen plat' - uut med syn band Ouwekerk. Hadders bauwt wyder un begünt plåtenlabels. Nå wat up un del gån med wark in evenementen un musyk, geyt Bert dår en kört setje uut, mär vangt er rond 2005 an med syn band Bert Hadders en de Nozems. Hyrmed sol er - under syn eygen label Platex Records - uutendelik syn meyste musyk uutbrengen; vroger våk in et engelsk, mär vanof dan meystyds in et grünnegersk.[1]
Sünt dee tyd, het er en koppel albums uutbracht, gonent baseart up en interessant concept. Hee blivt aktyv in de kultüürsektor un het med syn musyk ouk eynige prysen wonnen, so as de K. ter Loanpries.[3]
Styl
bewarkDe musyk van Bert Hadders is stuur in eyn styl to vatten. En konstante is dat er sirkum altyd in et veankolonialsk singt. Hee hed hüm döär en breyd koppel artysten inspirearen låten, wat wearum to seen is in de verskydene genres dee er in syn musyk bruukt. De albums dee er med de Nozems måkt het, hebben en starke rock sound dee sümtyds en uutstap måkt når country, blues, cajun, un rockabilly, mär manks ouk in de richting van heyle andere stylen so as punk, ballads en popmusyk.
Syn groutste hits "Beloofde Laand", "Poolse Bruid" en "Elvis, Keuning van de Bunermond" künnen souwat as country rock typeard worden med en dryvend drümpatroun un alternearende baslyn up de grondnöyt. De gitaar vögd hüm meysttyds by et basmotyv un de musyk word vak anboid med solos van byvöärbild gitaar, harmonika, vioul of andere instrumenten. Hadders syn bluegrass ervaring lykt hyr ouk wal in to höyren. In syn latere wark med Joost Dijkema måkt er wat stådigere gitaar- of folkmusyk med americana invloden.
De teksten van Hadders bennen meysttyds baseard up bedochte personatys of ervarings, vermodelik inspireard döär wat er medmåkt het in syn eygen leavent in de Veankolonien un in Stad Grünnen. Dårnåst bennen vöärbilden noch themas as vrauwlü ("Luchiena", "Louise", "Lola"), wenst ("Zundagmörgen", "Slietoazie Aan t Benul", "As Julio Gait Zingen") un et uutgånsleavent ("Peperstroat", "Boem, Boem").
Hadders warkt ouk vak um concepten to vöär syn albums. Sou is er vöär et album "De Coöperoazie" wearumdouken in syn familyhistory döär en månd in en verlaten skool in Eyrste Exloermond to sitten en verskes to skryven oaver syn tyd in dee kontreynen. Et skilderke up et album lat Hadders syn vöärvader Berend Trip seen.[4] Vöär et albüm "De Bosklopper Tapes" was et concept dat Hadders olde upnames van musyk uut de Veankolonien vonden had, måkt döär de fiktyve anthropoloog "Gradus J. Bosklopper," dee Hadders verneys uutbrocht had.[5]
Discografy
bewark| Uutgåve | Jår | Label |
|---|---|---|
| Out of my Head | 1992 | Futuremusic |
| Album | Jår | Label |
|---|---|---|
| Over de Badde | 2010 | Platex Records |
| De Coöperoazie | 2012 | |
| De Bosklopper Tapes | 2014 | |
| Kolk | 2016 | |
| Tjeu (Kompilaty) | 2018 |
| Album | Jår | Label |
|---|---|---|
| Stroatmezikanten veur de Riepe
(bydrage an kompilaty) |
2007 | Riepe Roofless Records |
| Ten Years is So Much Time
(bydrage an kompilaty) |
2008 | Café Marleen |
| Stop Malaria Play The Music In T Grunnegers
(bydrage an kompilaty) |
2009 | Marista, Stichting Nij en Huis
van de Groninger Cultuur |
| Kokeleko (med Joost Dijkema) | 2019 | Platex Records |
| In Iemandsland | 2021 |
| Artyst | Titel | Jår | Label |
|---|---|---|---|
| Detour | Out of My Head | 1991 | Futuremusic |
| Bert Hadders en de Nozems | Luchiena | 2010 | Platex Records |
| Bert Hadders en de Swinders | As Zai Mor Altied Bie Mie Blift | 2016 | |
| Bert Hadders | Der Zit Gain Schot In Mie | 2018 | |
| Bert Hadders en de Nozems | Geppie | 2018 | |
| Bert Hadders | Dreumer | 2020 | |
| De Band Speult Jippiejippiejee | 2020 | ||
| Bert Hadders en de Nozems | Jogie | 2020 | |
| Bert Hadders | Veur Wèl Nait Duurt Te Dreumen | 2021 | |
| Bert Hadders en de Nozems | Radio Geluk | 2021 | |
| Bert Hadders en de Grup | Alle Menschen Werden Brüder | 2021 | |
| Bert Hadders en de Nozems | Radio Geluk | 2021 | |
| Weltmeister (Nummer 1) | 2021 | ||
| Small Town Badits, Danytha, Bert Hadders | Zonnestralen | 2021 | Lake Woozoo |
| Bert Hadders | Ergens Tussen Schiphol En New Haven | 2023 | Platex Records |
| Kin Nait Sloapen | 2023 | ||
| Gestadige Beweging | 2024 |