Blauwe gaai

De blauwe gaai (Cyanocitta cristata) is n Noord-Amerikaanse soort gaai mit een opvallend lavendelblauw verenkleed op de rogge en de kop. De veren op t onderlief bin ebreuken wit, en rond de hals hef e n zwarte krage.

De blauwe gaai kömp in n groot deel van de oostelike helfte van de Verenigden Staoten veur. Veural in emengd bos kömp e vake veur, mer daornaost kömp e veur in parken en tunen.

t Dieet van de blauwe gaai is arg aofwisselend. Op t menu staon onder aandere ekels, zaojen, bezen, apenoetjes en brood, mer oek vleis, eiers en kleine ongewarvelden.

Elke geschikte boom of grote struke kan gebruukt wörden veur t maken van een nest. t Mannetjen en t wiefjen warken mee an de bouw dervan, daornao zal t wiefjen de eiers in zo'n 16 tot 18 dagen uutbreujen. Vaor en moene brengen samen de kukens groot. Nao dree weken scheit moene der mee uut en mutten de jongen veur der eigen gaon zörgen.

Blauwe gaai, ondersoorte Cyanocitta cristata cristata in Noord-Carolina
Ondersoorte C. c. cyanotephra in DeSoto National Wildlife Refuge, Iowa (staot)
Ondersoorte C. c. semplei in Collier County Florida (staot)
Ondersoorte C. c. bromia in Muskoka Lakes, Ontario

Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.