Heufdmenu losdoon
Bloodmåne. Et noorden van de måne wist hyr når beneaden
Bloodmåne van 3 määrt 2007

Een bloodmåne is een verskyningsförm van de måne, namelik een vulleadige månsverdüüstering. Et kümt årdig reagelmåtig vöär, in vergelyking med een sünsverdüüstering.

Een bloodmåne kryg y as de aerde tüsken de sünne en de måne in kümt, in een rechte lyne. So kümt de skade van de aerde up de måne terechte. Ofwal, y hebt een månsverdüüstering.

De sünne is jå wal ytsys grouter as de aerde, düs der kümt langes de randen van de aerde noch wal wat licht langes hen. Dat geyt döär de dampkringe en wördt dår of-ebröäken. Dår kümt een roudskynsel van en as dat geböärt, klöört de måne bloodroud.

Een månsverdüüstering kan alleyne med vulle måne. Et is ouk up meyrdere steades tegelyke te seen en et duurt wat uur.

SoortenBewarken

De måne kan up dree wyses verdüüsterd wörden: vulleadig- (bloodroud), gedeyltelik- (lekt et as of der een hap üüt enöämen is) en een penumbrale verdüüstering (hyr süt he der dunkerder üüt as normaal).

BygelöyvBewarken

Der wördt edacht dat tydens de bloodmåne der douden van kumt. Dat et blood vrögt.

Et sol wark weasen van düvelske krachten.

As y tydens de bloodmåne brummers güngen kyken, kryg y neagen månd later een döär düvels beseaten kind.

Tydens de bloodmåne sol de lyne tüsken unse en de geystenwearld dünne weasen. Dårümme kan der dee tyd paranormale dinge geböären.

In vöäle oldere kulturen dachten sy dat wonneyr de måne (of de sünne) verdüüsterd wördden, dissend an-evretten wördden döär een deer. De vikingen, byvöärbeald, gelöyvden dat de måne altyd achter an esetten wördden döär een unmündige wulv. Wonneyr de måne roud was, had he hüm te pakken had.

So as by sünsverdüüsteringen döden de mayas een bülte kabaal maken, ümme de kwåde krachten van de måne vord te jagen.

Te seenBewarken

In Neaderland was de vöär lätste mål disse måne te seen up 27 juli 2018, tüsken 21:30 en 23:15 uur. Dit was ouk de längste vulleadige månsverdüüstering van de eywe. Mar et was, spytig, up vöäle steades amper an te seen döär bewulking.

De twey volgende målen:

  • 21 januari 2019 – vulleadige månsverdüüstering
  • 16 juli 2019 – gedeyltelike månsverdüüstering
  Dit artikel is eskreaven in et sallandsk, in de Nysassiske Skryvwyse.