Flash Nieuwleusen
Flash Nieuwleusen (volledige name Hypotheekgroep Flash Nieuwleusen) is een volleybalverieniging in de Aoveriesselse plaatse Neilusen. Mit roem 400 leden is 't iene van de grotere volleybalclubs van Nederlaand.
Der wördt op verschillende niveaus evolleybald, van recreatief spöl töt competities. Talentvolle speulers en speulsters wördt bij menare ebracht in selectieteams. 't Eerste damesteam kump uut in de Darde Divisie B en 't eerste herenteam in de Promotieklasse D. Flash-speulster Manon Flier (1984) wördden een speulster op internationaal topniveau.
Geschiedenis bewark
Flash wördden op 20 meie 1968 opericht deur Martin Flier, gimmestiekleraar an de MULO op Neilusen, mit een antal van zien leerlingen die hadden evraogd as der ok een volleybalverieniging kun komen. In 1976 gunk de verieniging bij de Nederlandse Volleybal Bond. Trainings en wedstrieden vunden achterienvolgens plaatse in een gymlokaal an de Börgemeister van Sandickstraote, een grotere en hogere zaal an de Goldenregenstraote, sporthal De Schakel en (vandage de dag) Kulturhus De Spil. Op 13 meie 2000 deu Flash een eigen sportkantine lös, Flashpoint.
Uutgaonde verwiezing bewark
|
Dit artikel is eschreven in 't Zuudwest-Drèents. |