Gerritsflesch is n gehucht in de gemeente Apeldoorn, in de Nederlaandse provinsie Gelderlaand. t Maokte tot 1966 deel uut van de gemeente Barreveld en ligt op n uutgestrekte heedvlakte in de umgeving van t veurmaolige zendstasion Radio Kootwiek. t Gehucht ligt an de Gerritsflesweg ten zujen van de plaots Radio Kootwiek.

Gerritsflesch in 2014

In Gerritsflesch wonen 29 minsen, van weel de meesten de achternaom Bos hen. Disse inwoners bin zowat allemaol an mekaor verwaant. Vrogger stingen der in t gehucht nog twee boerderiejen en n meul, maor die bin in de loop der tied verdwenen.

t Plaotsjen het zien naom te danken an n kortbie elegen vennetjen, dat "Gerritsflesch" eneumd wort (n ouwere naom was "Gardersche Flesch"; inwoners van Radio Kootwiek han t over 't meertjen') en dat bekendstaot um zien biezoendere waoterflora en -fauna. t Ven kon as natuurmonument jaorenlang rekreatief gebruukt worren, totdat Staotsbosbeheer in 1929 de boel ofsleut, vanwege de roendslingerende vulles en umdat t umliggende greun al verscheie keren vertestewierd wier.[1] Tegenswoordig ma'j t meer Gerritsflesch alleen bie hoge uutzoendering bezeuken, alleen veur uutstapjes. De Gerritsflesch valt binnen t militaere oefenterrein Harskamp.

De meeste huzen in Gerritsflesch bin zoender vergunning ebouwd. De overheid hef de bouw achterof elegaliseerd. Tot begin 21e eeuw was der ok n kämping, die verdwienen mos toe t gebied deur Staotsbosbeheer as beschaarmd natuurgebied in ere hersteld wier. In 2002, t leste jaor waorin de kämping besting, waren der n reeks sleurhutbraanden.

Referensies bewark

  1. Ofsluting Gerritsflesch. Het Vaderland, 7 mei 1929


  Dit artikel is eskreaven in et westveluwske dialekt van Barreveld, in de Algemene Nedersaksiese Schriefwieze.