Johan Veenstra veur zien oolde huus, Ni'jhooltpae

Johan Veenstra (geboren op 6 jannewaori 1946 in Wolvege, Frieslaand) is ien van de bekendste Stellingwarver schrievers. Hi'j schrift Stellingwarfstaelige dichtbundels, verhaelen en romans. Aans as vule Nedersaksische schrievers, die vaeke ok in et Nederlaands doende bin, schrift Veenstra konsekwent in et Stellingwarfs.

Veenstra het zien hiele leven in Ni'jhooltpae in dezelde gemiente woond. Negen jaor lang schreef en sprak hi’j kollums (Stellingwarver Stiekelstokkies) veur de regionaole radio Omrop Fryslân. Hi'j schrift now kollums veur de Leeuwarder Courant. Vaeke is hi'j as verteller bi'j et pad in de noordoostelike perveensies. Veenstra is in 2001 benuumd tot Ridder in de Odder van Oranje-Nassau veur zien wark in en veur et Stellingwarfs.

Sund 22 juni 2003 hoolt Veenstra op zien eigen webstee een dagboek bi'j, daoras vaeke ni'js in staot over Nedersaksische zaeken.

BoekenBewarken

  • Wilde Gaanzen, verhaelen en gedichten, 1974
  • Fluitekruud, verhaelen, 1977
  • As de wilde roze bluuit, gedichten, 1979
  • Een vlinder van zulver, roman, 1981
  • Naachs goelen de honnen, roman, 1984
  • Lamert en Lutske, verhaelen, 1987
  • De toren van De Lichtmis, gedichten, 1988
  • Lamert, Lutske en Doerak, verhaelen, 1990
  • Stellingwarver Stiekelstokkies, radiovertellegies, 1991
  • De boot naor Valhöll, verhaelen, 1992
  • Stellingwarver Stiekelstokkies 2, radiovertellegies, 1993
  • Sletel parredies, gedichten, 1994
  • Stellingwarver Stiekelstokkies 3, radiovertellegies, 1995
  • Een meenske is gien eerpel, verhaelen, 1997
  • Verrassend Stellingwarfs, vertaelings, 1998
  • Toegift, roman, 1999
  • Winterlaand, gedichten, 2001
  • Wonder boven wonder, volksverhaelen, 2002
  • De wereld is gek, verhaelen, 2004
  • Een brogge van glas, roman, 2006
  • Longerlaand, gedichten (tegere mit Peter Hiemstra), 2007
  • Et geheim van de wiend, roman, 2009
  • In brêge fan glês, roman, 2009 (Friese vertaeling van Een brogge van glas)
  • Mit et waeter veur de dokter, verhaelen, 2012
  • Een vrouw van ivoor, roman, 2015
  • De overkaant van et waeter, gedichten, 2017
  • Vroeger is veurgoed veurbi'j, roman, 2018

Uutgaonde verwiezingsBewarken