Kruuttoornramp (Breevoort)
Den Breevoortsen buskruutramp vond plaatse in et Gelderse Breevoort op zundag 12 juli 1646 rundumme 4 uur 's meddags, woarbi-j nen bliksem den buskruuttoorn van et Kasteel met doarin 320 tonnen buskruut trof. Bi-j de ontploffing velen 40 doden en völle gewonden.
Kasteel en Ambthuus bewark
Bi-j den inslag was den toorn in braand evlöggn, en doarbi-j gans uut den groand de loch in evloagen, zo haevig dat doarbi-j ok et Ambthuus wodden neer-esloagen. Under et puun van et Ambthuus lagen ondermeer den Drost en Gouverneur Wilhelm van Haersolte met ziene vrouwe acht van heure kinder, 18 leu in et getal, den schildwachte stoand benaeden op de binnenplaatse noast de trappe, woardeur et totaal antal doden op et Kasteel en Ambthuus op 19 oetkwam.
Schaa in de stad bewark
Doarnoast is an de stad völle schaa ontstoan, zowal an de huuze, as an mensen; woarbi-j noagenög alle huze zunder dakpannen en ruten, en veural völle huuze rundumme et Kasteel in-esloagen of in-estort bunt woarbi-j verskillende leu dood egoan bunt,
40 doden bewark
De doden dee under et puun van et Ambthuus lagen, bunt met schuppe en houwelen noa dree dagen zwaor warken op-egraoven, en opgeboard in et huus van de weduwe van den oaverlaeden predikant D.J. Verschagen.
Den Drost met ziene vrouwe en 8 kinder wodden op donderdag, 16 juli in den veurmeddag begroaven in et koor van de Sint Joriskarke vanuut et huus van de weduwe Verschagen. Et is neet dudelek hoo völle doden under et puun eblaeven bunt. Bi-j mekaar waren doar 40 leu stoarven. Ok neet dudelek is et antal gewonden dat doar was, bronnen maakt doarvan gene tieding.
Antony van Haersolte bewark
Ene zönne Antony van Haersolte van Wilhelm van Haersolte hef den ramp oaverlaefd, hi-j was nét den dag neet thuus, en verblef in Zwolle. Hi-j hef in Zwolle de familie veurtgezet is doar an-evangen met et Haersolte-Armenhuus. Woarbi-j wöd an-enommen dat de stichting verband hef met den ramp van Breevoort. [1]