Michel Teló

Braziljaansen sertanejo-muzikaant
(döärstüürd vanaf "Michel Telo")

Michel Teló (21 jannuwoari 1981) is nen Braziljaansen sertanejo-muzikaant.[1][2] Vuur at he vuur zikzelf begun was he heuwdzanger in verskeaidene bands, woervan't Grupo Tradição t bekeandst is. Zinne grötste nasjonale en internasjonale hit is Ai Se Eu Te Pego!, wat op nommer ene steund in de meeste Europese laandn, Latiens Amerika, en Quebec, t Fraanske deel van Kannada.

Michael Teló
Michel Teló an t optreadn
Michel Teló an t optreadn
Algemene informasie
Geboren n 21sten jannuwoari 1981
Laand Medianeira, Paraná in Brazilje
Spraoke Portugees
Genre Sertanejo

Begin bewark

Met zes joar zung he zin eerste solostuk in t skoolkoor, n nommer van Roberto Carlos en Erasmo Carlos (bekeande samba-zängers oet Brazilje). Doo't he tien joar was kreeg he van zin vaar nen trekzak, wat zinne muzikale kwaliteatn vearder hulp oontwikkeln. Op andringn van zinne noabers, skoolkameröaks en breurs vormen he met twaalf joar zin eerste sambabandjen, wat "Guri" heetn. Nöast zin trekzak nöm he vief joar laank lesn op piano. Oonderwiel learn he ook daansen en gitaarspöln.

Grupo Tradição (1998-2008) bewark

In 1997, doo't Teló 16 was, wör he vroagn um bie de band Grupo Tradição te komn, woer't he 11 joar bie bleef as heuwdzänger. Met zinne stemme kreeg de band grootn anhaank met de nommers "Barquinho," "O Caldeirão," "Pra Sempre Minha Vida," "A Brasileira," and "Eu Quero Você." Tiedns dee joarn was hee de bands gezichte in promosiespul en interviews. Noa 11 joar skeaidn he dr met oet, umdet he ne ofzeunderlike loopbaan wol opbouwn. Hee wör in de band vervöngn duur Guilherme Bertoldo, mer de band har dr duur t vertrek van Teló weainig fedusie mear in, woernoa't n eenn noa n aandern dr met oetskeaidn en de band op t gat köm.

In disse tied tröf he ne leefhebster woermet he trouwn, ne taandärts met naam Ana Carolina Lago. Noa dree joar vriejn en dree joar echtskop skeaidn de beaide, duur Teló's drokke tourplan. Ondaanks at hee volheul at alns best was, gung dr Lago met noar de pers en koondigen doar op februwoari 2012 de skeaiding an.[3]

Sololoopbaan (2008–non) bewark

 
Michel Teló live

t Album Balada Sertanejo wör oet egeewn in 2009 duur de Braziljaanse plaatnmoatskoppieje Som Livre. t Wör produseerd duur Ivan Myazato en leawern twee singels op: "Ei, psiu! Beijo me liga," n groot kommersjeel sukses, en "Amanhã sei lá". t Oetgeewn van t live-album Michel Teló - Ao Vivo was n nog grötter sukses en leawern Teló nen Gooldn Plaat op. Dit leaidn töt n groot konsert op 19 september 2011, woer't ongevear 50.000 leu bie warn. In 2011 deed Teló 240 moal optreadn. Forbes,[4] n wearldwied glemmig blad, skat at hee bie zinne Fugidinha Tour vuur mear as 17 miljoen leu hef op etreadn. Dit leawern um bie skatting $18 miljoen dollar op. Telo hef ook twee DVDs oetgeewn, ene met nommers van de joarn '80 en '90 in saamnwoarking met Milionário & José Ricpo, Bruno e Marrone, en João Bosco & Vinícius, en den aandern met nieje nommers, den't Michel Na Balada het.

Internasjonaal bewark

 
Teló op n sertanejofestival in 2011

Völle vootballers gebreukn t daanske oet "Ai Se Eu Te Pego" as vieringsdaanske as ze n doelpeunt maakt hadn, woermet de bekeandheaid van t versken rap verspreaidn. n Braziljaansen vootbalsteare Neymar zit in de videoclip van t nommer. In de Spaanse Profesjonele Liga daansn Marcelo Vieira en Christiano Ronaldo van Real Madrid op t nommer doo't ze dr ene intreudn teegn Málaga CF op n 22sten oktober 2011. Ook n bekeandn tennisspöller Rafael Nadal daansn op dit nommer. t Was eawn oawer heel Europa n geleefd vieringsnommer as dr n doelpeunt was emaakt of ne wedstried was ewunn.

Ook in de Verenigde Stoaten hebt ze oonderwiel kennis maakt met t nommer; Miguel Montero van de Arizona Diamondbacks oet t Major League Hoonkbal löt t nommer dreein at he an slag is.

Teló koondigen an at he op tour geet in de Verenigde Stoatn met ne Engelse oawerzetting van t nommer, wat "Oh, If I Catch You!" het. Hee hef al naam op ebouwd oonder de Spaansspreknde gemeenskopn doar.

Prieze en nominasies bewark

An t begin van zinne sololoopbaan köm he met zin eerst album wat Balada Sertaneja heetn. t Wör nit vake verkocht en leawern dus an geeld nit völle op, mer hee wör toch nomineerd as "Muzikale Oontdekking van t Joar". Zin live-plaat Michel Teló - Ao Vivo is skoonwal beheurlik geleefd en leawern um ne Latin Grammy-nominasie op in de indeling "Beste Sertanejo Album".

In 2011 wör Teló bie de "Melhores do Movimento Country" (Grootn van de Countrybeweaging) nomineerd in veer indelingn: "Beste solozaank", "Hit van t joar" met "Ai se eu te pego!", "Beste CD" vuur t album Michel Teló - Ao Vivo en "Beste Show".

Michel wör ook in veer indelingn nomineerd in de Premio Multishow de Música Brasileira vuur "Beste Zänger", "Muzikale Oontdekking", "Beste Sertanejoartiest", en "Beste Muziek" vuur "Ai se eu te pego!".

Gode doelen bewark

in Augustus 2011 deed Teló met an de 26ste edisie van t Criança Esperança-leefdadigheaidsprogramma, nöast Braziljaanse muzikaantn Leonardo, Zezé di Camargo & Luciano, Chitãozinho & Xororó en Adair Cardoso.

Dezember 2011 deed he met an de 13e ofleawering van Futebol contra a Foma (Vootbal teegn Honger) in t Parque do Sabiá in Uberlândia met Braziljaanse bekeandheedn as Daniel Alves, Neymar, Gusttavo Lima and Marrone. t Doel van dit gebuurn is geeld en etn inzammeln vuur oarme gezinn.

Plaatnriege bewark

  • 2009: Balada Sertaneja (studio album)
  • 2010: Michel Teló – Ao Vivo (live album)
  • 2011: Michel na Balada (live album)

Verwiezingn bewark

Bronnen / wellen:
  1. Jornal Do Brasil – 4 meart 2011
  2. Correio do Estado – 11 dezember 2010
  3. https://web.archive.org/web/20120729010925/http://www.josh-tv.com/2012/02/16/michel-telo-gets-divorced/
  4. http://www.forbes.com/sites/andersonantunes/2011/12/29/have-you-heard-of-brazilian-country-music-phenomenon-michel-telo-yet-you-will/

Oetgoande verbeendingn bewark