Milaan (Italjaans: Milano, Lombardies: Milan, in Duuts-Nedersaksisch ook wal es Meailand neumd) is de heuwdstad van de strekke Lombardië en de een noa grötste stad van Italië. De stad hef 1,3 miljoen inwonners. In de versteadelikte, umliggende stadsdelen wont bie mekaar 5,5 miljoen leu. Det is de op veer noa grötste in de Europese Unie. De metropool Groot-Milaan hef 7 töt 10 miljoen inwonners.[1][2]

Milaan heurt bie n zo neumden Blaauwen Banaan: noa Londen en Paries hef Milaan de grötste ekonomie van alle Europese steaden en de grötste oonder neet-heuwdsteaden van Europa.[3] Milaan löp vuurop in de keunst, haandel, ontwoarp, oonderwies, vermaak, mode, geeldzaken, zörg, media, ekonomiese deensten, oonderzeuk en toerisme. Milaan wörd wal es de morele heuwdstad van Italië neumd.

In et zakelike distrikt zit de Borsa Italiana (de Italjaanse Beurze) en de heuwdkantoren van de grötste nasjonale en internasjonale baanken en bedriewen. De stad is ene van de grötste middelpeunten vuur wearldmode en ontwoarp. Der wordt verskeadene internasjonale modemoarkten eheulden, zo as de Milan Fashion Week en de Milan Furniture Fair.[4][5] In Milaan zit een groot antal kultuurhuze, akademies en universiteaten. 11% van alle Italjaanse studeanten geet noar Milaan.[6]

Milaans museums, theaters en bekeande stadszichten (zo as de Kathedroale van Milaan, Kasteel Sforza en de skilderwoarken van Leonardo da Vinci zo as Et Leste Oawendmoal) trekt joarliks mear as 8 miljoen bezeukers.[7] Ethuze in Milaan hebt bie mekaar et een noa heugste antal Michelin-stearns van et laand.[8]

Milaan is de thoesbasis vuur twee van Italië's bekeandste vootbalmanskoppen: AC Milan en FC Internazionale.

Reffereansies bewark

  1. =Brookings.edu - Global Metro Monitor: Metropolitan Area Profiles. Bekekken op 20 juni 2014.
  2. European Metropolitan network Institute - Case study Milan Metropolitan Area (PDF). Bekekken op 14 September 2013
  3. Gert-Jan Hospers (2002). Beyond the Blue Banana? Structural Change in Europe's Geo-Economy. PDF. 42nd EUROPEAN CONGRESS of the Regional Science Association Young Scientist Session – Insteurd vuur de EPAINOS Award 27–31 August 2002 – Dortmund, Duutslaand. Bekekken op 27 September 2006.
  4. Languagemonitor.com - The Global Language Monitor » Fashion. Bekekken op 1 juni 2011
  5. Monocle.com - Milan Furniture Fair. Eskrewen op 30 april 2009. Bekekken op 10 juli 2012
  6. Milaanse Proveensie: Universiteat en Oonderzeuk in Milaan. Bekekken op 4 november 2012.
  7. ansa.com - Nel 2014 a Milano 8 milioni di turisti. 6 August 2014.
  8. Guida Michelin 2016: ristoranti stellati in Lombardia. 7 mei 2016
  Dit artikel is eskreaven in et twentsk.