Overleg:Graofschopper plat

Westfeels

t Groafschopper Plat is van mien part Westfeels, omrezen de volgende kenmaarken:

• Man zegt wi hebt en nait wie hebben
• De brekensklaanken kommen veur (loapm = lopen, mìër = meer)

(Dit binnen dé kenmaarken van Westfeelse dialekten) Grönneger 1 23:08, 16 aug 2008 (CEST)

Een aander kenmark giet de kaorte oaver die a'k juust in 't artikel hebbe nuumd (HNTL p.78): de spreiding van gerekte ā en eêmtuele verhoging töt ao: 't Noord-Nedersaksisch hef taofel, gaon, waoter, haon (Grunneger weergaove oa, Platduutse weergaove vake a(a)). 't Westfaols hef taofel, gaon, mar water, hane. De gerekte ā in de leste twei en nog een bulte woorden kump veur in 't hiele Westfaolse gebied en kump daorumme niet uut 't Nederlaans.

De Westfaols-Noordnedersaksische grèenze löp een endtien boaven Meppen Nederlaand binnen en skeidt daor 't Zuud-Drèents van 't Noord-Drèents. De liende snidt deur 't gebied van 't Emslänner Platt zoas det op oen zölf emeuken kaorte in 't artikel stiet, dus det mut weer van aandere kenmarken uutgaon (misskien wal gewoon van niet-taalkundige, zoas ze ok 't 'Drèents' verzonnen hebt). Aj nog een kaorte op internet weet die Westfaolse gebieden/isoglossen angef? Ni'jluuseger 04:24, 17 aug 2008 (CEST)

Now nog ies wat: 't Saksisch ienheidsmeervold gebruukt ze ok algemien in 't Noord-Nedersaksisch, inclusief in Oostfrieslaand. Daor he'k talloze veurbielden van evunnen op nds. 'De Maand is ca. 384.000 km vun de Eer weg, dat is wiet, man 'n poor Astronauten weern dor al op Besöök. Dat hebbt wi Minschen bi den annern Planeten noch nich hinkregen.' Artikel. Skriever Heiko Evermann kump uut Hambörg. Ni'jluuseger 12:15, 17 aug 2008 (CEST)

Ik lees dit nou pas, môr ik wil der wel even op reageern. As eerst Oostfraislaand. Watst doe zègst dat man ien oostfraislaand "wi hebbt" zèggen, dat klopt haalf. Binnen Oostfraislaand ligt de isoglosse tuzzen t Grönnegs-Oostfrais en t Noord-Leegsaksisch. Dizze grìns ligt sikkom op de grìns tuzzen de laandkrais Auwerk en Wittmond. Liek as datst van t Drìnts aangefst, bestaait dit dus ook binnen t Oostfrais, dat inklusief t Harlingerlaands (t Oldenbörgse dialekt tin oosten van de isoglosse) meer n politieke en stoatkundege noam is (t Dialekt van de regioon Oostfraislaand) as dat t n toalkundege is.

Twijde, n koartke over de iendailen van de Leegsaksische dialekten heb ik hier vonden: n koartke van de dailstoat Leegsaksen mit doarien de heufdgroepen. Moutst even n lutje beetje noar beneden schoeven. Grönneger 1 18:45, 13 juli 2009 (CEST)

Zol 't ok nog zo kunnen wèden, det 't westelijke (meer op 't Grunnings liekende) Oostfries niet allend deur 't Hoogduuts beïnvloed wördt, mar ok deur 't Noordnedersaksisch van 't gebied zo tussen Bremen en Hambörg, daoras ze 't miest prestigieuze Platduuts schient te praoten, veur zowied aj van prestige kunt spreken?

Of misschien eerder nog, daoras 't Platduuts sowieso wat meer op 't Hoogduuts liekt. Det dus 't Oostfries zoas det de boer uut de Ditzumer polder prat, hum ontwikkelt richting 't meer algemiene Platduuts det typisch is op .nds. Ie kunt ok mienen det de streektalen al lange niet meer de potentie hebt, um mekare veul te beïnvloeden (stagnatie en deginneraotie). Wat mien ieë? Ni'jluuseger 18:52, 14 juli 2009 (CEST)

Geluudsfragmìnt

t Zol mooi wezen as der n geluudsfragmìnt was van t Groafschopper plat. Ik kin mie der nou aigelks nait echt n veurstèllen bie môken. Dij hest nait touvaleg zeker. Grönneger 1 18:45, 13 juli 2009 (CEST)

Nee, as d'r al schietwaineg op draod te vienden is oaver oeze spraoke in 't algemien, is d'r oaver 't Graofschops (nog) echt haoste niks. Mar ie mutten 't oe hiel grofweg veurstellen as Riessens mit een Duutse g. Riessens zeg ik, vanwegen de diftongen.

Woolters ontmoet of en toe Graofschoppers in Twente, misschien kan hi'j opnaomes verkriegen? Ik gao later dizze zomer naor Oaveriessel en wil perberen ok de Graofschop te bezuken umme wat meer in de kunde te komen mit det stille volkien. Ni'jluuseger 22:09, 13 juli 2009 (CEST)

hmm. Ik zea det ik ze éénmoalig esprökn hebbe :). Toew at dr wat oolde leu van doar bie oons in Riesn warn. Spit mie merakels, mear ik hebbe ook niks. Woolters 23:50, 13 juli 2009 (CEST)

Ik bin op 't speur van de Groafschupper Plattproaterkring. De veurzitter woont op Emmelkaamp, niet wied of van Coevern, dus det scheelt. A'k meer wete, zet ik 't hier dale.

De Nedersaksische streektaalorganisaties hebt bezunder weinig contact mit de Platduutse, en ik hebbe de indrok det d'r momenteel niet echt (structurele) baanden bint mit de Graofschop Bentheim. Een uutzundering bint de Twèents/Graofschopper karkdiensten (ien keer in 't jaor?), en dan nog incidentele literaire samenwarking en zo. Ni'jluuseger 18:39, 14 juli 2009 (CEST)

Tot hoo wiet noar et zuuden neumt ze et Graofschopper plat? Et kortste bi'j da'k heb können vinden is Steinfurt, moar dat lik mi'j te wiet zudelek:

[1] Droadnaegel 23:33, 15 juli 2009 (CEST)

t Zel der middelkerwies wel op lieken, môr den nog wat Hollaandser dunkt mie. t Begrip Groafschopper Plat holdt op bie de Leegsaksisch - Noordrhain-Westfeelse grub, dus Steinfurt is wat tou zudelk. Of t toalkundeg zain ook doar opholdt, let mie open stoan. Grönneger 1 23:43, 15 juli 2009 (CEST)

'Graofschopper plat' is netuurlijk een politiek construct; 't plat van de Graofschop, intied det d'r een dialectcontinuüm zal wèden mit de dialecten oaver de grèenze van de Landkreis. 't Dialect van Steinfurt is d'r dudelijk verwant an, en ie heurt in partie woorden de Westfaolse breking die dus ok in partie zudelijke Graofschopper dialecten mut veurkomen.

't Graofschopper plat an d'aandere kaante, in de noordelijke Nedergraofschop (zal wal zo heten wegens 't plattere laand), mut de mieste Nederlaandse invloeden hebben. En niet allend invloeden uut 't Oaveriessels, mar ok uut 't Standerdnederlaands. Ni'jluuseger 09:46, 16 juli 2009 (CEST)

Traauwens, zolst t Waterplatt nait gewoon Waoterplat nuimen en Hügellander Platt gewoon Heuvellaander Plat? Grönneger 1 21:50, 16 juli 2009 (CEST)

Geluudsfragmìnt 2

Ik zag net dat man bie t Grunnegse Noordhörn n geluudsfragmìnt oet t Groafschopper Noordhörn zet haren: fragmìnt 1. Grönneger 1 11:22, 4 okt 2009 (CEST)

De kwaliteit is aans wel hail min en volgens mie is t gain native proater, môr goud Grönneger 1 11:31, 4 okt 2009 (CEST)