Reinder Willem Hiemstra

dichter en schriever in 't Grunnings

Reinder Willem Hiemstra (Nijziel, 1943) is een dichter en schriever in 't Grunnings. Hij lat hum in zien gedichten miest inspireren deur wat of der um hum hen gebeurt, in 't laand doar as e grootebracht is en hum stark mit verbunden wet. Uut zien verhalen sprek zien liefde veur de natuur.

Hiemstra was boer bij Steem. Anvankelk schreef e gedichten in 't Nederlaands. In 1986 kwaamp zien eerste Grunningstalige gedicht in tiedschrift Krödde te staon; later volgden ok verhalen. Hij schrif in 't Westerkertiers en in 't Hoogelaandsters.

Veur zien verhalenbundels n Geluud van stilte en Spreek kreeg Hiemstra in 2000 de Literaire Pries van Stichting t Grunneger Bouk. De jury kende hum de pries toe:

...omreden hai zok de leste joaren ontwikkeld het tot n woarachteg schriever, dij zien indringende en voak roadselachtege verhoalen schrift vanuut eerliekse verwondern over ales om hom tou. Reinder vuilt zok daip verbonden mit de noatuur en zugt de wereld gebeuren in klaaine aaldoagse dingen. Zien toal – dij van t Westerkwartier – is staark beeldend, oorspronkelk en vol dichterlieke zeggenskracht.

In Lezen en schrieven ien Grunneger toal nuumt Henk Smit Hiemstra 'n fienschriever, dij beeldend en kleurriek zien verhoalen wait te vertellen. Asmis binnen ze mysterieus of sprookjesachteg.'

Zölfstandige publicaties bewark

  • 1991 Votspoelde sluzen (Profiel, gedichten)
  • 1992 Oabel onderweegs (eigen beheer, gedichten aover Oabel Tasman)
  • 1995 Rondom Sien en toren (Profiel Bedum, gedichten aover Sien Jensema en personages uut heur wark)
  • 1999 n Geluud van stilte (Stichting t Grunneger Bouk, verhalen, begunstegersgeschenk)
  • 1999 Spreek (Profiel, verhalen)
  • 2002 Lichtsteert (kleine Uil, gedichten)
  • 2004 Keel me dan (kleine Uil, verhalen mit spaigelploatje)
  • 2005 CD Lichtsteert (The Nothern Vocalists, mit Wiebe Postma)
  • 2005 As (Profiel, gedichten)
  • 2008 Een zachte steneging (kleine Uil, gedichten)
  • 2008 CD Moest heuren (Stichting Mien Westerkwartier)
  • 2018 Hap te t laand oet (Stichting t Grunneger Bouk, gedichten)

Bronnen bewark

  Dit artikel is eschreven in 't Zuudwest-Drèents.