Sloepwapse

femilie binnen de wapsen
(döärstüürd vanaf "Sloepwespen")

De gewone sloepwapse (Ichneumonidae) vormt een femilie binnen de wapsen die uut zo'n 25.000 beschreven soorten bestaot, intied dat der waorschienlik nog vule meer bin. Daormit is disse femilie der iene van de soortenriekste van alle dieren. Zie heuren bi'j de orde van de vliesvleugeligen (Hymenoptera).

De sloepwapsensoorte Echthrus reluctator, op 'e kiek ezet in Oxfordshire

Sloepwapsen bin slaank en hebben een biester dunne wapsenkneep, de overgaank van et boststok naor et achterlief. Ze bin tussen de 0,3 en de 4,2 centimeter laank. De femilie vien ie wereldwied in gemaotigde zones, mar is ok in de tropen anetroffen.

Sloepwapsen parasiteren op aandere insekten, waoronder een koppel schadelijke soorten. De vrouwgies hebben een lange legbore (ovipositor), een eierleggend orgaan. Daormit prikken ze de larve of poppe van een aander insekt, waornao ze daor heur eigies in ofzetten. Ok op spinnen wodt eparasiteerd. Mit dat de eigies uutkoemen, voeden de larves heur mit de gastheer, wat veur dissend fataal is.

Sloepwapsen hebben daoromme een belangrieke rolle bi'j et onder kontrole holden van de insektenstaand. Een antal sloepwapsensoorten wodt op grote schaole uutezet veur et biologisch teugengaon van plaoginsekten, zoas de bladloeze en de witte vliege.

Dit stok is eschreven in et Stellingwarfs van de Kop van Overiessel.