Albert Metselaar

Drèents publicist, historicus, dichter en predikaant

Albert Aaldert Metselaar (Hollaandscheveld, 26 juni 1959) is een Drèentse publicist, historicus, dichter en predikaant.

Onder meer publiceerde hij aover de geschiedenis van dörpen in de gemiente 't Ogeveine, waoronder Elim en Hollaandscheveld.

Leven en wark bewark

Op zien negentiende begunde Metselaar as verpleegkundige in de psychiatrie. Rond die tied verschenen zien eerste publicaties. Nao zien verhuzing naor 't Ogeveine begund'e veur de Hoogeveensche Courant aover historische, maotschoppelijke en godsdienstige onderwarpen te schrieven. Deur zien tiendielige wark aover Hollaandscheveld in de Tweede Wereldoorlog kregen de naor 't butenlaand evlochte oorlogsmisdadigers Auke Pattist, Dirk Hoogendam en Martinus Johannes van Oort bekendheid in Nederlaand. Ok hölp hij mit uutfiegelieren waor of ze woonden.

Metselaar zien latere onderzuuk is ericht op 't Ogeveine van de 17de ieuw. Hij spant hum ok in veur de Drèentse taal: hij schrif en dicht in 't Drèents van Hollaandscheveld en umstreken, en is taolschulte van 't Huus van de Taol. Hij was initiatiefnemer van de oprichting van dichtersgeneutschop 'De Taalcompagnie' an 't Ogeveine en van open podia veur proza en poëzie in die plaatse. Ok naamp e 't veurtouw veur de invoering van de biebelse bazuun bij godsdienstige bijienkomsten. Hij vertaalt en schref godsdienstige liedern in 't Drèents, en giet veur in Drèentstalige en Nederlaandstalige karkdiensten.

In 1995 kreeg Metselaar de titel 'Ogeveiner van 't jaor 1994'. In 2006 wördden hij benuumd töt ridder in de Örder van Oranje-Nassau.

Uutgaonde verwiezings bewark

  Dit stok is eschreven in 't Zuudwest-Drèents.