Bantege (Fries: Bantegea, Nederlaans: Bantega) is een dörp in de gemiente De Friese Meren, in de Nederlaanse perveensie Frieslaand, mit omdebi'j 570 inwoners (1 jannewaori 2004). Et beheurde tot 2014 tot de vroggere gemiente Lemsterlaand.

Ligging van Bantege

Bantege is et minst oolde dörp van Lemsterlaand. Nao de Twiede Wereldoorlog wodde et buurtschop Echtenpoolder ommedoopt tot et dörp Bantege. De naeme is ofleided van Bandt, dat jaoren leden vortspuuld is deur de Zuderzee. Daornaost het et dörp ok een hiele oolde geschiedenis. Uut een archeologische voonst bleek dat in 8000 tot 4000 veur Kristus drie jaegers een kampement had hebben op et plak waor Bantege now leit.