Belfast (Iers: Béal Feirste) is de grötste stad in Noord-Ierlaand en de proveensie Ulster. In 1999 wör t inwonnertal eskatt op 279.200. t Is seend 1922 de heuwdstad van Noord-Ierlaand. Doarnöast is t ook nog de heuwdstad van de groafskop Antrim.

Belfast Stadhoes

n Namen Belfast keump van t Ierse Béal Feirsde (later eskrewen as Béal Feirste) wat Moond van de Zaandbaanken betekent. Der wörd vake dacht det Belfast keump van de rivier Farset , woer't Belfast oawerhen ligt, mear beaide stad en rivier zeent noar disse zaandbaanken verneumd. De Farset zelf is nit mear zo bekeand umdet den is op egoan in de gröttere rivier Lagan. De Farset streumt duur ne piepe oonder de stad.

Belfast ligt dus an de moond van de rivier Lagan an de zeetak Belfast Lough. Hierduur ligt Belfast lös an de Ierse Zee. Um Belfast hen liggent de boargen Black Mountain (Zwarten boarg) en Cavehill (grottenheuwel). Belfast hef n antal oolde gebouwen, zo as de Queens University oet 1849 en de City Hall oet 1903. De best bewöarde zeent twee oolde baanken: de Ulster Bank oet 1860 en de Northern Bank oet 1769.

In belfast he'j n grötsten droogdok, woervan a'j de kranen van oet de vearte al köant zeen. Hier wör n Titanic ebouwd. Aandere belangrieke industrieën zeent van ooldsher t Ierse linnen en de touwslagerieje.

De stad hef twee vleegveelde: George Best Belfast City Airport, an de raand van Belfast bie Holywood. en Belfast International Airport bie Lough Neagh.

Oetgoande verbeending bewark