Brinkheurne is ne buurtschop in de gemeente Wenterswiek, elaegen in den Geldersen Achterhook, in Nederlaand. Brinkheurne telden in 2003 rundumme 271 inwonners, en hef ne oppervlaakte van 4 km². Et is doarmet wat oppervlaakte betröf den kleinsten noaberschop van de gemeente.

Brinkheurne ligt oostelek van Wenterswiek in de richting van Kotten. In olde tieden was Brinkheurne nen belangrieken skakel veur de smokkelroute tussen Wenterswiek en et net oaver de grenze met Duutslaand elaegen Oeding. Veur de meeste veurzeeningen is Brinkheurne an-ewaezen op Wenterswiek, al kent et wal ne eigen supermarkte en ne horekagelegenheid. Wieters is der in den noaberschop nog nen camping elaegen.