Dever (Nederlaans: Diever) is een esdörp in Zuudwest-Drenthe in Nederlaand dat diel uutmaekt van de gemiente Westerveld. Tot 1998 was Dever een zelsstaandige gemiente. Tot die gemeente beheurden dörpen as Deverbrogge, Wittelte en Wapse. In Dever praot ze Zuudwest-Noord-Drèents, wat as bi'j et Stellingwarfs heurt.

Dever

Een bi'jnaeme veur de inwoners van Dever is Deverse platneuzen.

Geschiedenis bewark

 
De karke van Dever wodt as ien van de mooiste van Drenthe beschouwd

Lichtkaans woonden al 6.000 jaor leden meensken op et gebied waor Dever now leit. De boeren uut de laete stientied bouwden vlakbi'j Dever een hunebed dat d'r nog de hieltied leit.

In de vrogge middelieuwen wodde et dörp Dever sticht. De ooldst bekende vermelding van Dever komt uut 1181, waor praot wodt van et dörp Devere of Deveren. De naeme Dever komt hoogst waorschienlik vot uut et woord dat leegte betekende. In de middelieuwen was Dever et heufdplak van et Deverder Dingspel, dat omdebi'j et hiele gebied van Zuudwest-Drenthe besleug.

Drie kilometer in et noordwesten van Dever in et netuurgebied Birkeheuvel leit nog een onderdukershol uut de Twiede Wereldoorlog.

Beziensweerdige gebouwen bewark

Et centrum van Dever wodt vormd deur een Brink mit daoran liggend een veurmaolig gemientehuus en een Schultehuus, et huus waor de schulte woonde. Ok staot d'r in et centrum van et dörp een 14e ieuwse gotische Nederlaanse Hervormde Karke, wijded an Sint-Pancratius. Nao een braand in de 18e ieuw is disse karke opni'j opbouwd uut tufsteen en baksteen. De karke wodt as ien van de mooiste van Drenthe beschouwd, dit komt ok deur de prachtige gewulven in de karke en et authentieke interieur.

Dever now bewark

In Dever wonen now 2.180 inwoners. Et antal toeristen is veural 's zoemers vule maolen groter. Zi'j kommen d'r veur rust, ruumte en netuur. Dever leit pal naost et Nationaol Park Drents-Friese Woold. Buten Dever in de bos is een bezukerscentrum van Staotsbosbeheer.

Dever is veural bekend van de eupenlochtuutvoerings van tenielstokken van Shakespeare. Sund 1946 wodt jaorliks in et eupenlochttheater een tenielstok van Shakespeare opvoerd. Disse uutvoerings wodden jaorliks deur meenstens vuuftienduzend meensken bezocht.

Uutgaonde verwiezings bewark


  Commons: Dever - plaatjes, filmkes en/of gelüüdsbestanden.