Helligen Hendrik, voluut Hendrikus Antonius van der Pette, is een komisch typegien, espeuld deur zanger/tekstschriever Bert Eeftink uut Goor.

Column bewark

Helligen Hendrik hef een wekelijkse Twèentstalige column op de Oaveriesselse radiozender Radio Oost daoras e zien helligheid in spuit oaver een bepaold onderwarp. Zien stokkien wördt an-ekondigd mit een belkende koe, een kri'jende hane en de woorden: "De twee minuten van Helligen Hendrik." 't Wördt altied of-esleuten mit de kreet "mBâh!" Tekst en geluudsopnaome van de columns viej ok op de webstee van Helligen Hendrik (kiekt bi'j de bronnen).

Onderwarpen en stiel bewark

Alle weken hef Hendrik de kop verkeerd oaver een aander thema, van islamisme töt dialectdrammeri'je en reclame op poszegels. Meer as iens hef e 't oaver de 'TTT', de 'Twèentse Traditie Terroristen', die oe - zeg e - olde gebruken en een olderwets, ienvörmig Twèents wilt anvrieven. De grappenmaker Herman Finkers zol d'r daor iene van weden. Hendrik spuit zien gal mit een rappe, oaverslaonde stemme. Umreden hi'j zo hellig is, hef e mienings die as d'r niet umme liegt, en die as e in beeldend plat verwoordt; beveurbield: "En leu dee nöalt....dee mangt wie de waffel dichte-neaien."

Oldejaorsconferences bewark

In december 2007 hef Helligen Hendrik in vief Oaveriesselse theaters zien oldejaorsconference 'mBâh!' ehölden, die op oldejaorsaovend veur TV Oost uutezunden wör. Daorin dreug hi'j een rutiespette, hoornen brille, spencer en colbertjassien en zat in een olderwetse leunstoel tegen 't decor van een huuskamer. Hi'j har drokte had mit de vrouwe en die was 't huus uut egaone, zodet hi'j allennig 't oldejaor uutzitten mus. Det gaf Hendrik de gelegenheid umme gramietig te weden oaver van alles en nog wat - zoas oaver zien greutse naober Waanders (Rob Vorkink) - mit muzikaole umliesting van Kerkstraat Centrum (Paul Schabbink en Raymond Nijenhuis).

De tweide oldejaorsconference in de riege, die van 2008, was te zien in acht theaters in hiel Oaveriessel en had as titel 'FÔI!' In dizze conference mak Hendrik hum onder aandere hellig oaver vrouwen, heldenziendes, boerendaansers, goede doelen en verscheiden tillevisiepregramma's.

Van de beide conference is een dvd uutekomen.

In 2011 har Helligen Hendrik, in samenwarking met Skoffel-Getje de veurstelling Nôh, dee alle aovende was uutverkocht.

Theatershows bewark

  • MBâh (2007)
  • FÔI! (2008)
  • Nôh (2010-2011)
  • VÔT (2012-2013)
  • LÖS (2014-?)

Bronnen bewark

  Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.