Hoog-Baarlo is n buurtschap in de gemeente Ee, in de Nederlaandse provinsie Gelderlaand. t Ligt in t noordoosten van de gemeente, net onder Hoenderloo.
De naom Baarlo of Barlo komt al veur op n kaort van Nicoleas van Geelkercken uut de zeuventiende eeuw. Op de plek waor de buurtschap noe ligt staot op disse kaort Groot en Kleien Barlo in-etekend. Van de eerste bewoening is pas spraoke in de negentiende eeuw. Rond 1900 is der spraoke van n laandgoed mit de naom Hoog Baarlo of Hoog Barel. t Bestong destieds uut heed en dennebossen mit kleine woeningen en boerderiejen. Dit laandgoed wier in 1912 ekocht deur Anton Kröller um onderdeel te worren van de Hoge Veluwe. De buurtschap ligt vandaag de dag an de oostelike zied van dit veurmaolige laandgoed.
