Hoog Buurlo
Hoog Buurlo is n gehucht in de gemeente Apeldoorne, in de Nederlandse provinsie Gelderland. t Ligt ten westen van de stad Apeldoorne en iets ten oosten van Radio Kootwiek.
Geschiedenisse bewark
Hoog Buurlo is n ouwe landbouwenklave in t midden van de bossen en de Hoog Buurlose Heed.
Eeuwenlank wordden hier op de zelfde maniere eboerd, die ezien wordt as n veurbeeld van de potstalkultuur. Akkerbouw, t houwen van schaopen en t hakken van ekenhout (de looizuur uut ekenschellen gebruukten ze in de leerlooierieje) zörgden veur de neudige inkomsten.
De akkers en schaopendriften kommen nog altied veur. Ok hef t gebied dat Hoog Buurlo enuumd wordt nog de zelfde vörm as drie eeuwen elejen: roewweg n sirkelvörm, umringd deur beukelaonen. Sinds 2009 hef Hoog Buurlo n nieje schaopschot. De menselike bewoning besteet uut twee veurmaolige boerderietjes en drie inwoners.
Etymologie bewark
De name (Hoog) Buurlo kömp al in de 9e eeuw veur en is n samenstelling van bur (kleine woning) en lo (bos).
Beheer bewark
Staotsbosbeheer is op t moment de beheerder van Hoog Buurlo en probeert de kultuurhistoriese elementen die t darp rieke is te verstarken en vörm te geven deur onder meer ouwe wildwallen en schaopendriften te herbouwen of te herstellen. Ok wordt ewarkt an herstel van t ekenhakhout. n Boerderieje in Hoog Buurlo waorin tussen 1980 en 2007 örgelkonserten egeven wordden deur de toemaolige bewoner, wordt daor noe weer veur gebruukt.[1]
Recreatie bewark
Der bint verschillende wandelroutes en rustplaatsen an-elegd, waormee daggiesmensen naor t gebied etrökken worden. Op 18 juni 2009 is t herbouwden Hoog Buurlo offisieel 'los' edaon.[2]
Referensies bewark
- ↑ Örgelkonserten in bos van Hoog Buurlo nao opknapbeurte. De Stentor, 16 febrewaori 2011
- ↑ Hoog Buurlo klingelt as vanouds. De Stentor, 19 juni 2009
Uutgaonde verwiezing bewark
|
Dit artikel is eskreaven in et oustveluwske dialekt van Apeldoorne, in de Algemene Nedersaksiese Schriefwieze. |