n Lintdörp is n laank uutstrekt dörp dat voak laangs n knoal, weeg of olle zaandrugge legen is. In Bèlgie en t noorden en westen van Nederlaand kommen n huil ìnde lintdörpen veur.

Veenkelonien bewark

Ien de Veenkelonien binnen zai ontstoan deurdat man knoalen gruif veur de ontginnen van t gebied. Man gruif eerst t Stadsknoal vanuut t Wìnschoterdaip richten Troapel. Aan dit knoal kwamen huzen te stoan dij uutìndelek de dörpen Wildervank, Knoal, Muzzelknoal, Zaandbaarg en Troapelknoal vörmd hebben. Vanuur dit knoal wuiren der ziedknoalen groaven. Dit gebeurde veuraal aan Drìntse kaande. Tegenswoordeg stoan dizze ziedknoalen (summegen binnen dempt) en de lintdörpen der bie laangs bekend as de Drìntse monden. Dit het as reden dat binoa elk lintdörp n suffix het op -mond. Veurbeelden binnen Valthermond, Bunermond en Eksloërmond.

Zaandruggen bewark

As der n zaandrugge tuzzen n veengebied of n klaaigebied deurlop, is der n grote kaans dat der op dizze zaandrugge vrouger n lintdörp baauwd is. Dizzent binnen, in tegenstellen tot lintdörpen in de Veenkelonien veul oalder. n Goud veurbeeld hiervan is de riege Kolham, Froombosk, Slochter, Schewôlde, Hellum, Sibboeren. Dit binnen olle dörpen dij op n heuvelrugge tuzzen t klaai baauwd binnen. Dit is de reden woarom dizze dörpen gain wierdendörpen binnen. Voak zugt man wel dat lintdörpen, zowel op zaandroggen as in de veenkelonien, tegenswoordeg voak aan de ziedkaande uutbaauwd binnen, woardeur zai voak nait allend meer bestoan oet ain of twij lieke stroaten.

Veurbeelden van lintdörpen bewark

  Schreven in t Veenkelonioals