Max Verstappen

belgisk-neaderlandsken wagensporter

Max Emilian Verstappen (Hasselt, 30 september 1997) is nen belgisk-neaderlandsken wagensporter. Under neaderlandske vlagge jagd hee med in de Formule 1, by et manskap van Red Bull Racing. Syn vader is Jos Verstappen, old-Formule 1-jager. In 2016 wör hee köäsen töt sportman van et jår, in 2021 as eyrsten Neaderlander wearldkampioon in de Formule 1.

Max Verstappen

Loupbane bewark

Med veer jår deade Verstappen al karten. Med söäven mocht hee meddoon med kartwedstryden. Syn eyrsten was up et circuit van Racing Genk. In 2014 stappeden hee oaver up autosport, hee begünde de kompetity in de Florida Winter Series en de Formule 3. Den 15. määrt 2015 jaagden he syne eyrste Formule 1-wedstryd, de Grand Prix van Australie, vöär Toro Rosso. Dårmed was hee med syn 17 jår den jungsten intreader in de Formule 1 van alle tyden. Eyn seisoon later haalden hee up 15 mei 2016 under de vlagge van Red Bull Racing syn eyrste podiumsteade in nen Grand Prix, do hee de GP van Spanje wün. Med syn 18 jår en 228 dagen was hee den jüngsten anvoorder in nen GP, jüngsten vöörder up et podium en jüngsten winner van nen GP ooit. Dårnöäst is hee ouk den eyrsten neaderlandsken winner in de Formule 1 en den eyrsten neaderlander den as vöäran mocht starten. Ouk up klassementspunten is Verstappen den meyst suksesvullen neaderlandsken Formule 1-vöörder ooit. Döärdat Verstappen et sou good düt, is de Formule 1 in Neaderland de lätste jår slim populäär ewörden. Et sorgden der ouk vöär at in 2020 de Formule 1 nå 35 jår weader in Neaderland ejagd worden solde, up de Bane van Zandvoort. Uuteandelik wör dee race in september 2021 vöär et eyrst eorganiseerd.

Up den 12. december van 2021 wör Verstappen as eyrsten Neaderlander wearldkampioon in de Formule 1, döär in nen race in Abu Dhabi up den lätsten knyperd den brit Lewis Hamilton achter sik te låten.

Persöönlik bewark

Ümdat Max Verstappen de söäne is van ne belgiske moder en neaderlandsken vader hevt hee twey paspoorten. Hee kös der vöär üm under neaderlandske vlagge te jagen. Nå at syne olden uut mekander güngen, bleav Verstappen by syn vader. Hee hevt ne süster, ne halvsüster en nen halvbröder.

Wünnene races bewark

Nr. Grand Prix Team
1 Grand Prix van Spanje 2016 Red Bull-TAG Heuer
2 Grand Prix van Maleisie 2017 Red Bull-TAG Heuer
3 Grand Prix van Mexiko 2017 Red Bull-TAG Heuer
4 Grand Prix van Oustenryk 2018 Red Bull-TAG Heuer
5 Grand Prix van Mexiko 2018 Red Bull-TAG Heuer
6 Grand Prix van Oustenryk 2019 Red Bull-Honda
7 Grand Prix van Düütskland 2019 Red Bull-Honda
8 Grand Prix van Brasilie 2019 Red Bull-Honda
9 Grand Prix Formule 1 van het 70-jöärige Jubileum Red Bull-Honda
10 Grouten Prys van Abu Dhabi 2020 Red Bull-Honda
11 Grouten Prys van Emilia Romagna 2021 Red Bull-Honda
12 Grouten Prys van Monako 2021 Red Bull-Honda
13 Grouten Prys van Frankryk 2021 Red Bull-Honda
14 Grouten Prys van Styrmarken 2021 Red Bull-Honda
15 Grouten Prys van Oustenryk 2021 Red Bull-Honda
16 Grouten Prys van Belgie 2021 Red Bull-Honda
17 Grouten Prys van Neaderland 2021 Red Bull-Honda
18 Grouten Prys van de Vereynigde Ståten 2021 Red Bull-Honda
19 Grouten Prys van Meksiko-Stad 2021 Red Bull-Honda
20 Grouten Prys van Abu Dhabi 2021 Red Bull-Honda