n Metronoom is n apparaat wat in de muziek wördt gebroekt um de tel van de muziek an te geewn. Muzikaantn gebroekt t um de moate van de muziek te hooldn of snelheaid te bepoaln. t Woord is saamn esteeld oet twee Griekse wöarde: Metron wat moate beteeknt, en Nomos wat ofsteln beteeknt.

2 soortn metronooms: leenks elektries, rechts mechanies

De eerste metronooms warn mechanies. Dee wordt nog altied wal verkoch, mear de elektroniese metronooms beent rechtevoort mear in trek, umdet dee mear meugelikheedn hebt en makkeliker beent met te nemn. Op t internet he'j rechtevoort ook verskeaidene online metronooms, dee't ook prima woarket.

t Idee van n metronoom is oet eveundn duur Ditrich Nikolaus Winkel oet Amsterdam in 1812, en is wieter oet ewoarket duur n Duutser Johann Mälzel in 1816. Hee bedach n vorm zo as den non nog bekeand is.

Woarking bewark

Mechaniese metronooms woarket net as ne klokke: Ze hebt nen (rechtopstoanden) slinger woeran n gewicht haank. Den slinger geet hen en wier, woerduur n tiknd geluud wördt emaakt. Det gef t tempo an. Duur t gewicht umhooge te zetn beweg n slinger laankzamer hen en wier, woerduur n laankzamer tempo wördt an egeewn. Sommige metronooms köant, as anduudige van n moatsoort, um de zovölle tikn n belken loatn kleenkn.

Van elektroniese metronooms bestoat hele seempele versies ongevear zo groot as nen pinpas, tot hele ingewikkelden, zoas n Dr. Beat. De seempeln köant net zo völle as n mechaniesen (alleene seempele moatsoortn angeewn), en de ingewikkeldn köant ook aparte moatsoortn angeewn, of verskilnde ritmes duur mekoar ofspöln. n Dr. Beat kan zelfs de moate (in t Engels) metkuiern.

Oetgoande verbeendege bewark

  Disse bladziede is eskreewn in t Riesns