t Nynorsk (Niejnoors) en t Bokmål bin de twee Noorse standardtalen. Van die twee is t Bokmål (boekentaal) de gebrukelikste taalvorm. Ongeveer 16% van de Noren leerden in 2003 Nynorsk op schoele. Beie standardtalen bin veurnamelik schrieftalen. Noorwegen hef gien standardtaal en der bin regionaal aordig wat verschillen.

t Nynorsk is ontwikkeld deur de Noor Ivar Aasen in de 19e eeuw as alternatief veur t stark op t schriftelike Deens liekende Bokmål. t Nynorsk wörden veural in westelik Noorwegen gebruukt en is evormp op baosis van veural westelike plattelaandsdialekten, en lik in veule aspekten op t Ieslaands.

Dat Ieslaands en Nynorsk meer op mekaar lieken as Ieslaands en Bokmål kömp deurdat t Ieslaands en zuudwestelike dialekten van t Noors n gemeenschappelikere oorsprong delen. Dit ku'j onder aandere zien an de dree geslachten die t Nynorsk onderscheit (namelik: mannelik, vrouwelik, en neutraal), liekas t Ieslaands en t Faeröers. t Zweeds en t Deens hebben der mer tweje. Bokmål hank n bietjen tussen de twee systemen in, waordeur der vaker twee vormen naost mekaar veurkoemen.

Zie oek bewark

Uutgaonde verwiezingen bewark

Bronnen / wellen:
  • Lars S. Vikør - The Nordic Languages subtitel:Their status and Interrelations bij Novus forlag, 2001 (darde uutgave) ISBN 82-7099-336-0
  Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze.