Pes (Nederlaands: Pesse) is een dörp in Nederlaand, in de Drèentse gemiente 't Hogevene. 't Dörp hef ongeveer 1800 inwoners. 't Lig langes de A28 en is bereikbaor via de ofrit 28.

Pes (Drente)
Pes (Drente)
Pes
Pes
Pes

Wanneer Pes nou krek ontstaon is, is niet zeker, maor in 1141 wordt d'r al spreuken van Petthe, nuumd naor Peth (= moeras). Warschienlijk was Pes doe een nederzetting van boeren. Rond die tied moeten d'r in Pesse zes vaelten, of grote boerenarven, staon hebben.

Pes is veural bekend vanwege de boot van Pes, de oldste boot (boomstamkano) ter wereld die in 1955 opgraven is bij de anleg van de A28. De boot is maakt tussen 8200 en 7600 veur Christus. De boot kuj bekieken in 't Drents Museum in Assen.

Naost dizze boot bint d'r in Pes nog meer sporen van vroegere bewoning vunden waoronder huusplattegronden van boerderijen uut de bronstied, de iezertied en de vroege middeleeuwen tot 't jaor 1000. De meeste van dizze vondsten bint daon in 't zuden van de hudige weg de Oostering in Pes. Bij dizze opgravingen bint ok resten naor boven kommen van een neolithisch grafveld. Van dit prehistorische vleden van Pes is buten 't dörp nog iets te zien; in 't westen van de Boerveenseplassen lig nog een grafheuvel (brandheuvel) uut de iezertied/Romeinse tied.