Samhain (uutsprake: /ˈsˠaunʲ/, /ˈsavɯɲ/, saunj, in yrsk lettertype vake Saṁain) is et keltiske nyjårsfeest dat up de åvend van 31 oktober begünden. Mar de kelten hadden wal een yts andere kalender as wattet wy nu hebbet, düs et sol manks misskyn yts verskilled hebben. Der wördden et ende van et summer evyred en et winter in elüded. Groute vüren wördden der disse åvend an estöäken.

Vöär de kelten begünden alles vanuut et düüster. Ear dagen begünden as de sünne under güng. So ouk begünden ear nye jår by Samhain, want nu bint de dagen up syn körtenst. Up disse åvend gelöyvden de kelten, asset wy de myten nåleaset, dat de geystenwearld en unse wearld et körtst by mekander was, düs was et heyl makkelik ümme med de douden te pråten en ear te huus een stool te geaven.

Halloween stamt of van disse feestdag. De katolike feesten Allerheiligen en Allerselen bint, onder andere, in estelled ümme een christelike varsy van dit heidenske feest te geaven. Wårümme as Samhain een feest vöär de douden was. Nudaagske Wikka en nye heidenen vyret Samhain ouk wear.

Dit artikel is eskreaven in et sallandsk.