't SATOR-vierkaante is 'n matrix van vieve bi-j vieve, woarin vieve woorden stiet wukken op alle zieden 'tzölfde anegèven wörd (van links noar rechts, van rechts noar links, van boven noar benèè, van benèè naor bowen). De tekste van 't SATOR-vierkaante vörmt iene lange palindroom en zöt ter as voolgt uut:

S A T O R
A R E P O
T E N E T
O P E R A
R O T A S

.

Woar 't vot kump bewark

'n Oldsten tekste van de SATORvierkaante is evunden in vörme van graffiti in Pompeii. En der mut dus van ezegd wörden dat dizzent van veur de uutbarsting van de Vesuvius is, in 't joar 79 noa Kristus. Dit bewes dan ok da'w ter zeker van kunt wèèn dat de SATORvierkaante 'n formule hef dat veurkristlik is. De formule kump ok veur op magiese papyri, amuletten en medaillons. En 'n zettie later ok in kristlike kringen; hier sprekke wi-j dan oaver 'n helen Middeleeuwen.

Oaver de vierkaante bewark

Oaver 't SATOR-vierkaante binne wi-j veural wies deur de Kabbalisiese traditie, wukken later oaverenömmen wörden binnen de kristliken esoterie en d' alchemie.

SATOR is de Ploeger. In de kristlike traditie stiet Sator veur 'n Schepper.

AREPO is de ploeg in 'n Keltiese taal. De ploege is 'n Keltiese uutvindsel.

TENET - De ploege mut deur 'n ploeger stewig vasteholden wörden bi-j 't kruus an de bovenzied van 't apparaat - Let op 't TENET-kruus.

OPERA bint de warken die de ploeger döt; binnen d' alchemie stiet 't veur de Stiene der Wiezen die gewoon metaal in gold veraandert en de bronne is van 't Lèvenselixer.

ROTAS bint de wielen; 't Wiel van de tied dat steeds deurdreit.

De betekenisse van 'n vierkaante is, dat 'n Schepper van 't lèven (de ploeger) alles in de gaten höldt en met zörg alles in goeden banen ledt. In de kristlike betekenisse: 'n Schepper is ok de schepper van de Godlike Veurzienigheid. Binnen de Alchemie is SATOR de alchemist die de ploege, 't wark en 't wiel in de haande hef; hi-j berek alles wat e wul op materieel gebied.

  Dit artikel is eskreaven in et sallandske dialekt van 't Vechtdal, in de Algemene Nedersaksiese Schriefwieze.