Silesauridae is een uut estörven clade van Dinosauriformes uut eet Trias. De clade bestiet uut dieren die het miest verwant bint an de dinosaurussen. Uut verstiend poep (coproliet) blik det sommige dieren van disse clade veural insecten egetten hebt (insectivoor). Silesaurus is hier een veurbield van. Zie zollen veural op kleine kevers en andere geleedpotigen azen.[1]

Silesaurus
Silesaurus
Silesauridae
Silesauridae

Classificaotie bewark

De Silesauridae is een zustergroep van de dinosaurussen. De groep hef zien näme in 2010 ekreagen van de paleontoloog Max C. Langer in een studie (Max C. Langer et al). De Silesauridae bint een clade van de Archosauria die körter up Silesaurus zit dan up Heterodontosarus tucki of Marasuchus lilloensis. Tegeliekertied as met de eerste groep nuumden een twiede groep van onderzukers (vri'j van mekare) de Silesauridae as een clade die bestiet uut Lewisuchus, Silesaurus, al hun veurolders en hun ofstammelings.[2] Noe betekent beide hetzelfde, zie beslaot dezölfde groep dieren. In een latere studie in 2010 van Sterling J. Nesbitt et al. wier emient det betekenis van Langer et al. niet genog was um de ien een familie-näme te geaven volgens de liende van het ICZN. Daorumme kump de näme van de clade Silesauridae van de studie Langer et al. (2010). De familie näme kump weg van de studie Nesbitt et al. (2010).[3]


De evunden fossielen bint zo'n 203 töt 245 miljoen jaor old en komt uut het Trias (Norien en Anisien).[2][4] Hieronder ku-j de cladogram zien van de Silesauridae. De cladogram is baseerd up de volgende studies: Christian Kammerer, Sterling Nesbitt en Neil Shubin (2012) met clade terminologie van Cau (2018) en Martz en Small (2019).[3][5][6]

Verwiezings bewark

  1. Martin Qvarnström; Joel Vikberg Wernström; Rafał Piechowski; Mateusz Tałanda; Per E. Ahlberg; Grzegorz Niedźwiedzki (2019). "Beetle-bearing coprolites possibly reveal the diet of a Late Triassic dinosauriform". Royal Society Open Science. 6 (3): Article ID 181042. doi:10.1098/rsos.181042. PMC 6458417. PMID 31031991.
  2. 2,0 2,1 Nesbitt, Sterling J., Sidor, Christian A., Irmis, Randall B., Angielczyk, Kenneth D., Smith, Roger M.H. and Tsuji, Linda A. (2010) "Ecologically distinct dinosaurian sister group shows early diversification of Ornithodira." Nature 464(7285):95-8 Supplement
  3. 3,0 3,1 Kammerer, C. F.; Nesbitt, S. J.; Shubin, N. H. (2012). "The First Silesaurid Dinosauriform from the Late Triassic of Morocco". Acta Palaeontologica Polonica. 57 (2): 277. doi:10.4202/app.2011.0015.
  4. Langer, M.C.; Ezcurra, M.D.; Bittencourt, J.S.; Novas, F.E. (2010). "The origin and early evolution of dinosaurs". Biological Reviews. 85 (1): 55–110. doi:10.1111/j.1469-185X.2009.00094.x. PMID 19895605.
  5. Andrea Cau (2018). "The assembly of the avian body plan: a 160-million-year long process" (PDF). Bollettino della Società Paleontologica Italiana. 57 (1): 1–25. doi:10.4435/BSPI.2018.01.
  6. Martz, J.W.; Small, B.J. (2019). "Non-dinosaurian dinosauromorphs from the Chinle Formation (Upper Triassic) of the Eagle Basin, northern Colorado: Dromomeron romeri (Lagerpetidae) and a new taxon, Kwanasaurus williamparkeri (Silesauridae)". PeerJ. 7: e7551. doi:10.7717/peerj.7551. PMC 6730537. PMID 31534843.
  Dit artikel is eskreaven in et sallandsk.