De Weperbult is een veurmaolig vuilstortpalk in et buurschop Weper in de gemiente Ooststellingwarf. Huisvuil uut de perveensie Frieslaand wodde hier stort. De vuilstort is tussen 1970 en 1994 in gebruuk west. Daornao is hi'j op natuurlike wieze in et laandschop inpast. Boven op de bult staot een keunstwark van Ids Willemsma.

Naost de bult staot een waeterzuvering, die et waeter uut de bult zuvert. De gassen die daorbi'j vri'jkommen wodden verbraand en tiedens dat proses wodt elektrisiteit wunnen. De waarmte wodt bruukt om gebouwen mit te verwaarmen.

Uutzicht bewark

Mit een hoogte van zo'n 25 meter hej' bi'j helder weer een wied uutzicht op de Weperbult. In et noordoosten is et Fochtelervene te zien mit daorachter Assen. In et oosten is de televisietoren van Smilde te zien. In et noordwesten et Gasuniegebouw in Grunnen en in et zuden de bebouwing van De Fochtel en Oosterwoolde.

 
Panorama vanaf de Weperbult