Wikipedia:Sokpopperieje

Hier wör warkt an ne ziede oawer Wikipedie-beleid; alle anpassigen öf öpmarkigen wi'w lever öp de oawerlegziede zeen veurdät der ne defenitieve beslissige oawernömmen wörren kän.


Kiek töch es! n Praachtig veurbaeld van eemaand dee maerdere gebroekerskonto's hef veur slimme doolenden. Zee zolt allen verbannen wörn.

A'j twae öf maerdere gebroekerskonto's hebt veur slimme doolenden binnen Wikipedie taegen oare Wikipedie-gebroekers, veur bedrog öf misleidige, öm verdroaide konsensus te moaken öf öm oezölf extra nich-bestoande steun te geffen in ne diskussie, dan doo'j an sokpopperieje, ofleid van t woord "sokpop", nen sokvörmigen pop den öp nen haand geet veur vermaak öf öm mensken oawer eets te införmaeren. In internetterminologie wör t broekt veur mensken dee maerdere gebroekerskonto's hebben.

Loat t dudelik waen: sokpopperieje is nich to-stoan öp Wikipedie. t Gebroek van sokpopperieje is verbeuden en t gebroek dervan zöl bestraft wörren. t Anmoaken van maerdere Wikipedie-gebroekerskonto's is nich verbeuden as der nen goden raeden veur is - in dät val wör wal verwacht dät der nen deurverwiesliende noar disse ziede is öp oewe gebroekersziede met n raeden veur t bestoan van de gebroekerskonto derbiej.

Sokpopperieje kän verskillende vörmen annemmen:

  • Nieje gebroekerskonto's anmoaken öm öpspörige öf öntdekkige te veurkömmen
  • Gebroekerskonto's van oare gebroekers gebroeken
  • Oe ofmelden van oew gebroekerskonto öm problemoatiese anpassigen te moaken as n IP-adres
  • Niej laewen brengen in olde gebroekerskonto's (noar verwaezen as sloapers) en zee as oare gebroekers presentaeren
  • Vreenden öf bekänten oawerhoalen öm gebroekerskonto's an te moaken öm oe te öndersteunen in n dispuut öm ne illusie van dudelike konsensus te moaken.

t Misbroek van maerdere gebroekerskonto's wör zeen as ne serieuze oawetraedige van gemaenskopsvertrawen. Der is nen grötten kaans dät t der veur zöl zörgen dät alle gebroekte gebroekerskonto's blokkaerd wörren, de gebroeker aachter disse gebroekerskonto verband wör, en oawer t haele wiki-projekt zolt alle gebroekerskonto's en IP-adressen lösboar moakt wörren, en t kän ok waen dät aktiviteiten in n "echten waerld" in t lös bracht wörren a'w geleuft dät t methölpen zöl an t veurkömmen van sokpopperieje.