Verskil tüsken versys van "Zuud-Jutland"
Geen bewerkingssamenvatting |
(Geen verskil)
|
Versy up 20:03, 7 aug 2006
Zuud-Jytlaand (Deens: Sønderjyllands Amt) is een previnsie in Denmaark. Ut oppervlak is 3939,12 km². De previnsie hef 252.980 inwoners, woarvan 126.235 mannen en 126.745 vrouwen (ciefers 2005). Op 1 januari 2007 wordt de previnsies in Denmaark af-eschaft. Zuud-Jytlaand zal dan deel worden van de ni-je regio Zuud-Denmaark (Deens: Region Syddanmark).
Geschiedenis
Zuud-Jytlaand is een andere benaming veur de streek Noord-Sleeswiek. Samen met Zuud-Sleeswiek vörmde dat ut Deense hertogdom Sleeswiek, Woaroaver Denmaark in de 19e eeuw met Pruussen en Oosterriek in oorlog kwam, de zogenuumde Duuts-Deense oorlog of Sleeswiek-Holsteinse kwestie. In 1864 verloor Denmaark bi-j de slag um Dybbøl (Duuts: Düppel) dissen oorlog en mos heel Sleeswiek, Holstein en Lauenburg afstoan an ut Koninkriek Pruussen. Noa de Duutse nederloag in 1918 (Eerste Wereldoorlog) mochten de inwoners van Sleeswiek volgens ut Verdrag van Versailles stemmen bi-j welk land of zi-j heuren wollen. In Noord-Sleeswiek koas de bevolking veur Denmaark en in Zuud-Sleeswiek veur Duutsland. In Zuud-Sleeswiek besteet der nog altied een Deense minderheid veural in en um de stad Sleeswiek. Doar bunt dan ok Deense scholen en gemeenschappen. An de andere kante besteet der in Zuud-Jytlaand ok nog steeds een Duutse minderheid, dèn ok een gemeenschap vörmt en eigen Duutse scholen hef.