Verskil tüsken versys van "Karel Diederik Schönfeld Wichers"

Terwiel at hee advokoat was (Meaister in de Rechn), woervuur hee studeerdn in [[Amsterdam]], en ook notoaris ([[n Heeg|n Haag]]) keus hee vuur n vrie leawn, en treuk hee zik terugge in n bos, woer at'e zelf ne boomhutte har ebouwd, wat toew zin wonhoes wör. Later har zin breur [[Belcampo|Herman]] n huusken in t zelfde bos, woer at Koarel intrök toew at Herman noar [[Grönning|Grönn]] verhuuzn.

Later treuk'e met zinne ''Kueklkoare'' (Standaard Skriefwieze: ''Keukelkoare'') regelmoatig met könnigheaid duur [[Europa]] en verdeenn hee zin geeld duur seizoenswoark te doon, zo as bievuurbeeld druuwe plukn bie de wienboern in [[Fraankriek]]. Disse reaizn beskreef hee in zinnen beundel ''Raejsbreewe oet de Kueklkoare''.

Ne aandere reaize voordn um in [[1955]] noar [[Sicilië]], woeroawer hee later, in 1985, t book ''Noar 't Vuerspiejige Aejlaand'' skreef. Hee har dus feailik een van de eerste campers van [[Nederlaand|Neerlaand]].

De Keukelkoare is kortns nog op ekocht duur n stel Riesnders dee at t deenk oplapn weelt, en dee at r öare [[slephutte|slephutnverenige]] noar eneumd hebt.<ref>[http://dissertations.ub.rug.nl/FILES/faculties/arts/2003/f.g.h.loewik/wieiswie.pdf] F.G.W. Löwik (2003), ''De Twentse Beweging : strijd voor modersproake en eigenheid.'' Grönningn: Rieksuniversiteit Grönningn. 'Wie is wie?'] (pdf)</ref>