Wikipedia:Parsberichen/4000 artikel en skriefwedstried 2009/vel

Nedersaksische Wikipedie orgeniseert schriefwedstried

De term Nedersaksisch is in opkoms veur de streektalen van noordoost-Nederlaand: Gronings, Drents, Stellingwarfs, Sallaans, Veluws, Twents, Achterhoeks en Urkers. 't Nedersaksisch wönnen, net as 't Fries en Limburgs, as taal erkend deur de Nederlaanse overheid. Der wönnen al meer in ezungen en eschreven en 't wönnen vaker in de media gebruuk.

Op internet ontbreek 't Nedersaksisch oek neet: de grootste webstee dee deran ewijd is, is de Nedersaksische Wikipedie. Wikipedie is een encyclopedie op internet in meer as 200 talen waor iederene vrie vanuut huus an mee kan schrieven. De Nedersaksische Wikipedie besteet sins 2006 en hef noen meer as 4.000 artikels. De artikels bin eschreven in alle taalvariaanten dee hierboven eneumd bin: elke schriever gebruuk zien eigen dialek. Ze gaon vake over de eigen streek: evenementen as de autorodeo en de Zwarte Cross, muzikaanten as Daniël Lohues en Jovink en de Voederbietels.

Noen is der een mooie gelegenheid um deran mee te doon: wie hemmen een schriefwedstried mit een pries veur de beste schriever. Twiefel over de spelling mut gienene tegenhouwen, want wulen verbeteren de spelling laoter. Oek hoef je de taal neet zo goed te kennen as joew groepvaor: al doonde leer je. Kiek op http://nds-nl.wikipedia.org/wiki/Wikipedie:Skriefwedstried