Verskil tüsken versys van "Lucas Jonker"

Jonker begunden een reeks verhaolties te schrieben oaver het boerenlèben an de [[Riest (revier)|Riest]], toen as-e zag det de tredisionele lèbenswieze rap an 't veraandern was. Hi'j schreef de verhaolties in 't dialect van de Riest, det zowel in Drenthe as in Oaveriessel espreuken wördt. De spil van de verhaolties is de boerenzeune Harm Stok, die op zien achttiende giet dienen bi'j de boer Barrels Albert en zien vrouwe, "'t olde mèense". Harm hef 't mangs slim, want zien va wördt d'rvan verdacht det hi'j ies esteulen hef. Ok hef 't olde mèense nog hiel wat op Harm te vitten, al waarkt hi'j hard.

Ien van de bronnen veur de verhaolties was Jonkers grofva Waander Rune. Dizze man was onderwiezer, kastelein en boer in de [[buurtschop]] [[Linde]] (gemiente [[Zuudwolde (Drenthe)|Zuudwolde]]) in [[Drenthe]], an de oaverkaant van 't provinciale grèensreviertien de [[Riest]]. Hi'j kon machtig mooi vertellen. In de verhaolties zölf stiet niet precies waor as 't ien en aander speult, mar dit mut de streek rond [[Zuudwolde (Drenthe)|Zuudwolde]] wezen.<br/><br/>

De verhaolties oaver Harm schöt in literair opzicht wal wat tekort: a'j beveurbeeld bi'j een bepaalde situaatsie beni'jd bint hoe as de betrokken personages d'r op reageert, wördt dit niet oaveral goed uut-ewaarkt. Ie komt daorumme niet zo dichte bi'j de personages te staon as wel meuglek ewest had. Ok springt 't hi'j-perspectief soms kats oaver op een vertellersperspectief. Mar juust dizze naïviteit van de schriever hef ok zien innemende kaante. En de verhaolties beschrieft krek de manier van leben en de aord van de mèensen op 't plattelaand an de [[Riest]]. Jonker hef er authentieke gebruken en ok waore gebeurtenissen in verwarkt.<br/><br/>