Verskil tüsken versys van "Skokkelaand"

}}

 

'''Skokkelaand''' is ne wonkern en veurmoaleg [[eilaand]] in den [[Noordoostpolder]], Nederlandse previnsie [[Flevolaand]], dat in [[1859]] om veiligheidsredenen ontruumd wodden. Tot [[1932]] lag et as eilaand in de [[Zuderzee]], noa et kloarkommen van den [[Ofsluutdiek]] in et [[Iesselmeer]]. Sinds de dreugelegging van den Noordoostpolder in [[1942]] mek et deel uut van et vastelaand.

Op 9 juli 2008 mek de gemeente Noordoostpolder bekend dat Skokkelaand eigen stroatnamen krig. Daormet is et de twaalfde kern van den Noordoostpolder<ref>http://www.noordoostpolder.nl/content.jsp?objectid=26672</ref>.

 

Skokkelaand is in de tied van et [[Holoceen]] ontstoan, under invlood van [[zeespegelstieging]] wat leidden noar veanevörming in n groot gebeed in en rundumme et [[Iesselmeer]] van vandage. Et veane van Skokkelaand begroaft n laandskop uut et ende van de leste [[iestied]], mit onder aandere nen riveerduun (zaand dat deur de ovverheersende westenwind uut umrengende revierbeddingen is op-estoaven. De oldste beskrievingen van eilaanden in et teggenwoordige [[Iesselmeer]] (de veanrest Skokkelaand en de [[keileem]]-opduking [[Urk]]) stamt uut de [[Romeinse tied]].

 

Vanaf de [[middeleeuwn]] lagen op Skokkelaand dree darpen. Et noordelekste darp heten [[Emmeloord]] en heurden bi-j et [[gewest Hollaand]]. Noar dit darp is de plaatse [[Emmeloord]] van noe eneumd dat n paar kilometers noordeleker ligt. Op et zudeleke deel lagen twee darpen: ''Middelbuurte'' (Möllebuurte) en ''Zudert'' (Zuderbuurte), en dan de Zuudpunte mit ziene karke en [[lichtboaken]]. Dizze darpen heurden bi-j de previnsie [[Oaveriessel]], en wödden tezamen [[Ens (Skokkelaand)|Ens]] eneumd. De benaming Ens is leavend eholden in et dorp [[Ens (Noordoostpolder)|Ens]] ten zuudoosten van et Emmeloord van noe. Dizzen name kump woarschienlek van "Endesea" wat endenzee zol betekkenen. De benaming Zudert zeet wi-j trög in ne wonwiek in Emmeloord-zuud, "Den Zuudert" eneumd. Pas in de [[Franse tied in Nederlaand|Franse tied]], in [[1806]], wödden et hele eilaand in-edeald bi-j de previnsie Oaveriessel.

 

In godsdeensteg opzichte was Skokkelaand verdeald. Emmeloord was hoast volleadig Rooms-Katteliek, woar de twee darpjes van Ens in meerderheid Nederlaands Hervormd waren.

 

|+ '''Uutkomsten volkstelling 1849 in de gemeente Skokkelaand'''

|-

|-

|-

|-

|-

|'''Skokkelaand'''||ALIGN="right"|144||ALIGN="right"|641||ALIGN="right"|458||ALIGN="right"|181||ALIGN="right"|2

|}

 

De leu van Skokkelaand had deur heure ofzundering ne eigen kultuur en sprokken ok 'n eigen dialekt, et [[Skokkers]]. Veural den Skokker klederdracht is bereumd.

 

 

Skokkelaand was in de [[Middeleeuwn]] völle groter as noe. Deur zwoare [[storm (wind)|stormen]] en laandofslag wödden et eilaand stöäreg kleiner. In 1855 wödden om dizzen reden Zuderbuurte ontruumd. Vanwaege den onveilegen toostaand en umdat de instaandholding van et eilaand te duur was, wodden in [[1859]] op bevel van könning [[Willem III der Nederlaanden|Willem III]] et hele eilaand ontruumd. Vrömd genög is et eilaand noa 1859 neet völle kleiner ewödden en hoast nooit deur stormen bedreigd.

 

<references />

 

 

<gallery>

Ofbeelding:Schokland_karkjen.jpg|Karkjen op Skokkelaand

</gallery>

 

{{Flevolaand}}

 

[[Kattegerie:Wereldarfgood in Nederlaand]]

[[Kattegerie:Flevolaand]]