Verskil tüsken versys van "Zwols"

't Zwolse stadsdialect is veural een sprèèktaal, al bin der wel publicasies in 't Zwols. In 1908 verskeen van de aand van 'Een Oud-Muzijkmeester' in de ''[[Driemaandelijkse Bladen]]'' 'Un prêutien over Zwolle van veur vieftug joar'. Döörop reageerden, ok in 't Zwols, prof. G. Kalff (1909) en volgden stokken van aandern oaver 't Zwolle van vrogger. De ''Provinciale Overijsselsche en Zwolsche Courant'' naamp verskeiden artikels uut de ''Driemaandelijkse Bladen'' oaver, wat ok in die kraante weer veur reacties zörgden.<ref>[http://www.wieiswieinoverijssel.nl/details2.asp?Id=122 Wie is Wie in Overijssel: Willem Kloeke]</ref>

Van [[Willem Kloeke]], de va van taalkundige [[G.G. Kloeke]], kwammen in 1931 de ''Zwolsche Sketsies'' uut (Thieme). Minke Kraijer van de Dialectkringe Zwolle skrif alle weken een column in 't Zwols in uus-an-uus-krantien ''De Peperbus'' (De Pèperbusse) en skreef ''Mien Ome Jan...'' (2007), erinneringen an eur oom, in 't Zwols en Nederlans. Van Loes van 't Haar-de Vries verskeen ok in 2007 de receptenbundel ''In de Zwolse pot''. Veur de streektaal van West-Aoveriessel, wööronder 't Zwols, ef 't streekkenniscentrum de [[IJsselacademie]] (Iesselakkedemie) spellingsrichtlienen ontwörpen.<ref>[http://www.ijsselacademie.nl/ija/taal/spellingsbrochure/inhoudsopgave.asp Spellingsrichtlienen van de IJsselacademie veur 't West-Aoveriessels en Oost-Veluws]</ref>