Verskil tüsken versys van "Borkeld"
Verwijderde inhoud Toegevoegde inhoud
KGeen bewerkingssamenvatting |
typo; <ref>s achter nen punt |
||
Regel 4:
'''De Borkeld''' is ne [[boerskop]] in de [[Tweante|Tweantse]] gemeente [[Riesn-Hooltn]]. t Wör in elk geval in t 18de joarhoonderd beskrewen toew t één boerskop vörmden met [[Look]].
t
t Natuurgebeed besteet oet joonk bos, grote stukken [[heed (vegetasie)|heade]], [[leem]]koelen, akkers, gröslaanden en n stukken [[vene (grondsoorte)|hoogvenne]]. t Bos is tusken [[1930]] en [[1950]] an eplaant. Hier he'j ook t grötste veeld [[jeneawerbeaze]]n van [[Neerlaand]]. t Is n glooiend gebeed: n heugsten top, de [[Freeskeboarg]], ligt op 40 meter, t leegste peunt op 13 meter boawen de zeespegel. An n raand van t gebeed, kort bie Hoolten, steet n infopeunt van t [[IVN]].<ref>http://www.ivnmarkelo.nl/index.php?pagina=nwitten</ref>
De Borkeld is ook n archeologies resservaat. 13.000 joar terugge warren der al [[Jager-verzamelaar|jager-verzamelders]]. Det is an eteund met de veundst van steenbielen, hoedkrabbers en aandere woarktuge. De prehistoriese grafheuwels en neerzettingsplaatse dee't der eveunden zeent, zeent tusken de 6.000 en 4.000 joar oold. In [[1997]] zeent n antal grafheuwels duur de Rijksdienst voor het Oudheidkundig Bodemonderzoek op eknapt.
De Leemkoelen in t gebeed zeent ontstoan duur leemwinning vuur t maken van bakkeie. Ze zeent vief of mear meter depe, en duur biezeundere umstandigheden komt der n poar aparte plaantensoorten vuur. Al in t 18de joarhoonderd was der ne ''pannenbakkerieje'', woervan at de pannen in [[Tweante]] good verkocht wörden.<ref>Overijssel, ''Nederland in vroeger tijd deel XXXII'', oorsproonkelike oetgawe 1803. </ref>
De [[A1]] is in de zeuwentiger joaren van t 20ste joarhoonderd dwars duur t gebeed hen an elegd. Duurdet n antal natuurbeskoarmers völle kabaal hebt emaakt bie de regearing, is der op t zuden van Riessen nen bocht in de weg emaakt, um t biezeundere jeneawerbeazenveeld te ontzeen. Op deezelfde stean wör in [[2003]] ne oawerstekplaatse vuur de deers (''ekodukt'') emaakt, en doarnöast ne oawerstekplaatse vuur fietsers en waandelders.
In november [[2009]] wör op de Borkeld, kort bie [[Maarkel]], n boerendoarp oontdekt van 6000 joar oold. Van t doarp zelf was niks mear oawer, mear in de groondloagen was nog wal de ofdruk van de gebroekte bouwmaterialen te zeen. t Warren ongevear 10 huuze.
{{Bron|<references/>}}
| |||