Verskil tüsken versys van "Wieringermeer"

'''Wieringermeer''' ([[Westfries]]: ''Wirringermar'') is ne [[polder]]streake en [[gemeente]] in den kop van de [[Nederland]]se previnsie [[Noord-Hollaand]] en hef ne oppervlaakte van 309,37 km² (woarvan 102,70 km² water). Et veurmoalege eilaand [[Wieringen]] heurt neet bi-j de gemeente. Wieringermeer is de dunstbevolkte gemeente op et Nederlaandse vastelaand.

 

 

Den polder was rundum et joar 1000 nog gewoon laand, der was in dee tied meer laand as noe. Neet helemoal dudelek is of et beheurden bi-j den [[Gouw (Germaans)|gouw]] [[Texla]], of dat [[Wiron]] nen aparten gouw was. Deur de stormen van under aandere de 12de eeuwe was et gebeed under water kommen te stoan en onderdeel van de zee ewödden. De streumgeulen van et Ulkedeep en Amsteldeep lepen deur et gebeed. Dizzen wierden al in 1924 af-eslotten mit nen diek den et eilaand Wieringen verbond mit et vastelaand. Mit den anleg van den Wieringermeerpolder wierd in [[1927]] anvang enommen. Et dreugemaakn deden zi-j mit een elektries gemoal, noabi-j Medemblik, den anvang van de bouwwarkzaamheden was in februari 1928. Ten zuden van Den Oever is gemoal Leemans ebouwd, n dieselgemoal mit 'n tweetal pumpe mit ne [[debiet]] van 250 m³/minuut. Gemoal Lely had dree pumpen van 400 m³ elk. Op 10 februari 1930 wierden de pumpen in gebruuk esteld om 6 miljoen m³ water buten de dieken te kriegen.

 

Volgens et eurspronkeleke plan zol den polder pas wödden an-elegd as den [[Afsluitdiek]] kloar zol wean. Moar umdat Nederlaand ne grote behoofte had an laandbouwgrond wierd den anleg versneld. Den diek mös noe in de Zuderzee wödden an-elegd, en mös ok zwoarder wödden uutevoerd. Den polder was feitelek gene Iesselmeerpolder, moar ne Zuderzeepolder (den zogeneumden Noordwestpolder). Op [[21 augustus]] [[1930]] veel den polder dreuge. Vanof [[1934]] wierd et ni-je laand in kultuur enommen. De uutgifte van laand verleep hierbi-j veur et eerst deur de ovverheid. Dizze wol de problemen zoas ontstoan in de eerste joaren noa de dreugelegging van den [[Haarlemmermeerpolder]] veurkommen (veural partikulier initiatief, woarbi-j veul armoo bestond en zelfs malaria uutbrak). De kavelgreuttes veur ni-je boern wierden deur de machtege [[Wieringermeerdirektie]] bepoald op 20 bunder en uut-egeven deur n pachtsysteem. De darpen wierden net as de boerderi-jen gepland an-elegd. Doarbi-j begonnen de leu eerst met de kleine darpen, woarbi-j de gedachte gold dat dizzen neet te groot mochten wödden, umdat in grote darpen de warkleu te völle macht zol können kriegen en et doordeur "breujnesten van terroristiese aktiviteiten" konden wödden.

 

 

[[Ofbeelding:Wieringermeer_place_dike_burst.jpg|thumb|Plaatse woar de diekbrökke was]]

{{Noord-Hollaand}}

 

[[Kattegerie:Gemeente in Noord Hollaand]]

[[Kattegerie:Noord-Hollaand]]

 

[[br:Wieringermeer]]

[[ca:Wieringermeer]]