Verskil tüsken versys van "Lork"

De '''lork''' of '''larks''' ([[Latien]]: ''Larix'') is een [[geslach (biologie)|geslach]] van [[coniferen]]. 't Geslach is in [[West-Europa]] 't enigste algemeen veurkoemende geslach dat [[wienter|'s wienters]] zien naolden laot vallen. De lork kump veur in de koelere gemaotigen streken op 't [[noordelijk halfrond]]. De bomen wönnen zo'n vuuftien tot dartig meter hoge, ze hemmen een openstaonde krone en takken mit bulten derop. De kleine naoldachtige blaojen bin [[leinte|'s lentes]] eers heldergreun, dan zachgreun, en [[haarfst|'s hares]] kleuren ze een fel oranje-geel.

 

De twiegen kunnnen twee vormen hemmen: de lange loten van tien tot vuuftig centimeter, en de dwargloten van twee tot vuuf millimeter. An de lange loten staon de blaodjes op der eigen, an de dwargloten staon ze dronge op mekaar in kransjes van tien tot twintig stuks. De mannelijke bloemen verschienen net wat eerder as de blaojen en bestaon uut bundeltjes van gelige meeldraojen dee dronge op mekaar staon. De vrouwelijke bloemen bin schubbige rozetjes dee verticaal an de lange loten greuien. Eers bin ze greun of rood of paors van kleur; nao bevruchting riepen ze in ongeveer een halfjaor tot grauwbrune froemelige kegeltjes van één tot vuuf centimeter groot.

 

De [[Europese lork]] (''Larix decidua'') kump van neture veurnamelijk veur in de [[Alpen]] en de [[Karpaten]], kort bie de boomgrens, mar 't wönnen in wele tunen en parken oek an-eplaant as sierboom. De in de Nederlaanse bossen veurkoemende lork is meestentieds een krusing van disse Europese lork mit de [[Jepanse lork]] (''Larix kaempferi''). De [[hybride (biologie)|krusing]] ''Larix'' ×''marschlinsii'' ([[syneniem (plaantkunde)|syneniem]]: ''Larix'' ×''eurolepis'') greuit iezelig vlogge en is dus een goeie boom veur de bosbouw en as houtleverancier.

 

De Siberische [[taiga]] wönnen veur een belangriek deel beheers deur twee soorten: de [[Siberische lork]] (''Larix sibirica'') in [[West-Siberië]] en de [[Aziatische lork]] (''Larix gmelinii'') in [[Oost-Siberië]].

 

Lorkhout is duurzaam, waotervas en stark. 't Wönnen vake gebruuk as [[rikkige]], bouwhout (veur binnen en buten), en veur scheepsrompen. 't Marg is donker-roodbruun en tekent zich scharp of tegen 't bleekbrune spienthout.

 

As in de umgeving van een lork [[peppel]]s staan, kan e an-etas wönnen deur de roes ''[[Melampsora larici-populina]]''.

 

 

{{Commonscat|Larix}}

 

[[Kattegerie:Boom]]

 

[[be-x-old:Лістоўніца]]

[[bg:Лиственица]]

[[ca:Làrix]]

[[cs:Modřín]]