Verskil tüsken versys van "Vrijmezzelderij"

Man leuft dat de vrijmezzelders heur failiekse rödden hebben as stainmezzelders dij grote kìrken en domkìrken baauwden en oorspronkelk zulfs de [[tìmpel van Solomon]]. Zai zollen gehaime kennes oet olle tieden hebben, volgens summege luu zulfs oet Atlantis, en binnen woarschienlek ôfstammers van de [[tìmpelders|tìmpelder ridders]], dij oorspronkelk oet [[Kampaanje]] (Champagne) en [[Languedoc]] (Frankriek) kwammen. Zai binnen, noa de jacht op heur deur de Franse keunen, noar [[Skotlaand]] vlucht en binnen doar bie de bestoande gildes kommen. Ien 1420 wordt doar de eerste Skotse lozie opricht. De aaldereerste vrijmezzelderslozie wör sticht ien 926 ien [[York]], [[Engelaand]], ien 1717 begon de nijmoodse vrijmezzelderij pas ien [[Westminster]], bie (tegenswoordeg ien) [[Londen]]. Doar staait den ook de [[Freemasons hall]], de belaangriekste trefstee en tìmpel(s) van de vrijmezzelderij ien t Veraind Keunenkriek. Ien 1771 wör de "Grand Orient de France" oprichten, woarbie ien dezulfde tied ook aander lozies onder t Groot Oosten ontstonden, woaronder de oldste van Nedelaand, [[L'Union Provinciale]] ien [[Grunnen (stad)|Stad]].