Verskil tüsken versys van "Gitaar"

De meeste gitaarn hebt 6 snoarn dee at meestieds in de [[stemmige]] ''E-A-d-g-b-e'' (van lege noar hoge) stoat. Disse stemmige heult n good midln tusken t gemakkelik [[akkoord|akkoordn]]n spöln en t makkelik toonledders maakn. Aandere stemmiges beent ''E-A-d-f#-b-e'' (Dit beent dezelfde [[interval]]n as op ne [[lute]]), ''D-G-d-g-b-d'' (Dit wörd wal de ''lösse G'' eneumd, en wörd völle in [[Blues]] en op slied-gitaarn gebroekt), ''D-A-d-g-b-e'' (völle gebroekt duur [[metal]] en ook in blues) of ''[[D-A-d-g-a-d]]''. Disn lestn wördt völle in [[folk]] gebroekt. Disse aparte stemmiges heurt dus bie aparte [[muziekstiel]]n.

== Geskiedenisse ==

== Soortn gitaarn ==

* Klassiekn of Spaansn gitaar. hef nylon snoarn (vrooger doarmsnoarn) en met metaal bespunn bassnoarn van ziedevezels.

* Flamencogitaar. Is n luk lichter as n klassiekn en hef n dunner boawnblad woerduur t instrumeant n wat skoarper geluud krig, mear körter duurkleenkt. t Instrumeant wördt zowat allene in [[Flamenco]]muziek gebroekt.

* [[Macaferrigitaar]] of [[Selmergitaar]]. n Akoestiesn gitaar met stoalsnoarn den at vuural in [[zigeuner]]muziek gebroekt wördt. Doarumme wörd hee ook wal zigeunerjazzgitaar eneumd. Is vuural te herkenn an groot D-vörmig klaankgat (''grande bouce''). Bie dit soort gitaarn is de brugge hoge of esteeld, zodet de snoarn wied van t fretbröd zitt, wat apart is vuur zonne rappe muziekstiel. Disse gitaar en muziekstiel is vuural bekeand ewördn duur [[Django Reinhardt]].

* Stoalsnoargitaar of [[Western gitaar]]. Stoaln snoarn, smaln haals en grote klaankkaste. Um de grote spannige van de snoarn an te könn, zit r vake ne metaalne pinne duur n haals. Disse pinne kan versteeld wordn duur um körter of lengerder te dreein. Hierduur keump n haals wat mear op de snoarn an, of dr juust van of. Hierduur kan vuurkomn wördn det n haals zik krom trekt. De snoarn hebt nen hartn heelderen toon en is doarumme onmisber in Folk- en bluesmuziek.

* Resonatorgitaar of [[Dobro]]. Stoalsnoarn, smaln haals en metaaln/aluminium klaankkaste. Doarumme n slim blikn geluud en dus gewild in [[country]] en blues. n Naamn "Dobro" keump van de Dopyera-breurs dee at t deenk bedachtn.

* [[Elektrisen gitaar]]. Hef ne zwoare klaankkaste den at vol zit met elektronika. Disn gitaar gef zowat gin geluud zoonder verstoarking. [[elektromagneties|Elektromagnetise]] opnemmers zett de trilling van de snoarn umme in n elektroniesn puls den at via nen kabel of zeander noar n verstoarker wördt ezeundn, den at n puls wier umme zet in geluud. Disn gitaar keump vake vuur in blues en [[rock 'n' roll]], mear ook in [[metal]], [[ska]], [[reggae]], [[punk]], [[rock]] en [[hardrock]]. [[Rickenbacker]] was n eerstn den at met t maakn van disn gitaar begun, den at was bedacht duur [[George Beauchamp]].

Wieters beent r nog gitaarn met meardere of meendere snoarn, en mear aparte soortn, zoas met nen dubbeln haals. Ook beent r nog verskeaidene [[hybride|hybrides]]s:

=== Hybrides ===

* [[Harpgitaar]]. Gitaar met n antal aparte harpsnoarn.

* [[Gitaarbanjo]]. Wördt bespöld as n gitaar mear is feailik n gewoonn [[banjo]].

* [[Doempianogitaar]]. n Gitaar met ne aparte [[doempiano]] op de kaste.

== Toovoogings ==

== Oetgoande verbeendiges ==