De Pennevogel

De Pennevogel was een interregionaol literair Nedersaksisch tiedschrift det verscheen van 1974 töt en mit 1979.

De Pennevogel wördden uutegèven deur een köppel studenten an de Rieksuniversiteit Grunning. 't Blad zöcht ansluting bi'j 't ideaal van 't eerdere tiedschrift 't Swieniegeltje: 't anjagen en uutbouwen van 't Nedersaksisch as literaire schrieftaal zowal as dagense ummegaankstaal.

Vanof nommer 3 wörden De Pennevogel uutegèven deur de uutgeveri'je van regionalist Willem Diemer. 't Uutbrengen van De Pennevogel verleup muizem; 't leste, zeuvende nommer, een dubbelnommer, kwaamp end 1979 uut.

In april 1979 begunden redactieleden Martin Koster en Ton Kolkman van De Pennevogel 't Drèentse letterkundige tiedskrift Roet, det anvankelk satirisch van aord was. Ok 't in 1982 in Grunning begunde literaire tiedschrift Krödde wördden op-ezet deur mèensen uut de kringen van De Pennevogel en Roet.

Literetuur

• Fokko Veldman (1990). 'Naoorlogse dialectliteratuur in Groningen'. In Jurjen van der Kooi (red.), Dialectliteratuur: balans en perspectief van de moderne streektaalletterkunde in Oostnederland en Nederduitsland: een bundel studies. Grunning: Sasland

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.