Verskil tüsken versys van "Grunnegs"

Veur de geschiednis van t Grunnegs mouten wie omgoan noar de [[Middelaiwen]], n poar aiwen noa Kristus. Noa de [[grote vôlkerwandel]], wazzen de oorspronkelke [[Frisii]] soamensmolten mit aander vôlker, onder aander mit de [[Sjouken]]. Doaroet was n soort van Proto-Fraise kultuur ontstoan, dij as loatere vèrzie de Oldfraise kultuur haar. Logischerwies wör der dou ook [[Oldfrais]] proat. De dou ontstoane [[Fraizen]], begonnen de haile Noordzeekost van de noudoagse [[Zeelaand|Zais]]-[[Westfloandern|Westfloamse]] grup, tot ien [[Denmaark]] tou, tou domineren. Middelkerwies waren zai ook ien [[Hadeln]] en [[Ditmaarzen]]. De toal dij doudestieds proat wuirwör, was onder tou verdailen ien [[Westlaauwers Frais]], [[Oostlaauwers Frais]] en [[Noordfrais]], dat op zokzulf weer ontstoan wezen zol oet t Oostlaauwers Frais, dou dijent de noordelke kuststreken koloniseerde. t noudoagseNoudoagse Grunnen ligt aan de oostkaant van de [[Laauwers]]. t Grunnegs is den logischerwies ook ontstoan oet t Oostlaauwers Frais. Dit dialekt, dat tegenswoordeg nog proat wordt ien de Duutse gemainte [[Selterlaand]], wör proat ien de [[Ommelanden]] en t [[Oldambt]] en ien [[Oostfraislaand]]. Middelkerwies ook ien [[Grunnen (stad)|Stad]], môr dij zol al veur de 11. aiw "ontfraisd" wezen. Ien t dörp [[Westeremden]] (op t [[Hoogelaand]]) is n taxusholtje vonden mit n körte [[runes (skrift)|roenen]] ienschriften der op, dij dateert oet de 7. aiw n. Kr.:

:''Op Ophaim/Oppum(?) nam Amluth stried op. Veur zien taxusholtje is branden votdoken. Veur dit taxusholtje wilzel de branden votdoeken.''