Verskil tüsken versys van "Peter van der Velde"

Verwijderde inhoud Toegevoegde inhoud
Erik Warmelink (Oaverleg | bydragen)
K →‎Stiel: {{DEFAULTSORT:Velde, Peter Van Der}}
NaegelBot (Oaverleg | bydragen)
K Bot-eholpen deurverwiezing: Krödde - Verwiezing(en) ewiezegd noar Krödde (tiedschrift)
Regel 4:
Van der Velde is opgruid in [[Roon]]. Daor hef e de [[Noord-Drèents]]e [[taol]] leerd die e laoter bruukt in zien waark. ’t Grootste deeil van zien loopbaon hef e onderwiezer west in Rowol. Hij schreef körte verhaolen, gedichten, cabaretteksten en liedties die e saomen met zien vrouw Alke zung. In de [[Tweeide Wereldoorlog]] hef e optreden met ’t Bonte Bitse Cabaret. Doe dizze cabaretgroep hum anmelden mus bij de Kulturkammer, binnen ze der drekt met opholden. Nao de bevrijding richtte Van der Velde ’t bekende Noorddrèentse cabaret [[De Bekketrekker]] op. Hij hef ok een maol of wat een literaire breeifwisseling holden, bijveurbeeld met [[Hans Heyting]] in [[Oeze Volk]] en met [[Ton Peters]] in [[Roet]].
 
As [[Noordenveld]]er keek Van der Velde tweei kaanten op: hij publiceerde niet allén in Drèentse tiedschriften, mor ok in [[Krödde (tiedschrift)|Krödde]], de Grunninger tegenhanger van Roet. Zien waark is in [[1986]] bundeld onder de titel [[Wilwaark]]. Doe die bundel oetverkocht was, is der een herdruk kommen onder de titel [[Winter op de Paaizermao]]: een bloemlezing van zien beste verhaolen en host aal zien gedichten.
 
Peter van der Velde hef van de veurmaolige gemeeinte Roon ’t ereburgerschap kregen. De producent [[Albert Haar]] hef in [[2001]] veur [[Stichting Drentse Taol]] een schrieverspetret (video en dvd) van hum maokt.